Jambylda úsh búldirshin gazdan ýlanyp kóz jumdy: otbasyǵa qoldaý kórsetilýde
Jambyl oblysynyń Merki aýdanynda úsh birdeı balanyń ómiri mezgilsiz úzilip, eldi eseńgiretken oqıǵa tirkeldi. 4, 6 jáne 8 jastaǵy qyz balalar ıis gazynan ýlanǵan. Aldyn ala málimet boıynsha, olardyń anasy sol kúni jaldamaly páterde balalaryn jalǵyz qaldyrǵan.
Áıel úıge oralǵanda gazdyń ótkir ıisin sezip, dereý qyzdaryn aýrýhanaǵa jetkizbek bolǵanymen, dárigerler olardyń ómirin saqtap qala almady.
Jergilikti bılik marqum balalardyń otbasyna tıisti áleýmettik kómektiń turaqty túrde berilip kelgenin aıtty.
"Otbasy ataýly áleýmettik kómekpen, birrettik járdemaqymen, alımentpen jáne mektep formasyna arnalǵan qarajatpen qamtamasyz etilgen. Anasy 2025 jyldyń qańtarynan beri resmı jumys istegen", – dep habarlady ákimdik.
Qaıǵyly jaǵdaıdan keıin otbasyǵa psıhologıalyq jáne áleýmettik qoldaý kórsetý úshin arnaıy jumys toby qurylǵan.
You Might Also Like
-
Volonter Perızat Qaırattyń isi boıynsha tergeý aıaqtaldy.Keltirilgen zalal mólsheri - 3,5 mlrd teńge. Sot aldynda onymen birge anasy da jaýap beredi.
-
Qandy oqıǵa boıynsha aıyptalǵan toǵyz kúdiktiniń biri – mektep oqýshysy Dýman Ysqaqqa marqum Sherzat Polattyń týystary keshirim berdi. Marqumnyń ákesi onyń bul iske múlde qatysy joq ekenin, tipti oqıǵa...
