Jambylda zaýyt jumysshysy qytaılyq bastyǵyn soqqyǵa jyqqan
Jambyl oblysynda ornalasqan óndiristik kásiporynda eńbek daýy qylmystyq iske ulasty. Jumysshy men qytaılyq basshynyń arasynda týyndaǵan janjal tóbeleske ulasyp, sot zalynda aıaqtaldy.
Oqıǵa óndiristik qujatqa — jumys ýaqytyn esepteıtin tabelge qol qoıý kezinde bastalǵan. Qyzmetker bastyǵyna qujatpen júgingende, ol qol qoıýdan bas tartyp, ekeýara daý týǵan. Ashýǵa býlyqqan jumysshy ózin ustaı almaı, basshysyn birneshe ret betinen jáne denesinen uryp jibergen.
Jábirlenýshi medısınalyq kómekke júginip, artynsha polısıaǵa aryz jazǵan. Jumysshyǵa QR Qylmystyq kodeksiniń 107-baby ("Densaýlyqqa qasaqana ortasha aýyrlyqtaǵy zıan keltirý") boıynsha aıyp taǵyldy.
Sot barysynda aıyptalýshy kinásin tolyq moıyndap, keshirim surap, qatań jaza qoldanbaýdy ótingen. Biraq jábirlenýshi keshirim bermedi jáne moraldyq zıan men shyǵynnyń ornyn toltyrý úshin 1 mıllıon teńge talap etti.
Sot úkimimen jumysshyǵa 40 aılyq eseptik kórsetkish — 157 280 teńge kóleminde aıyppul salyndy. Sonymen qatar, ol 500 myń teńge kóleminde ótemaqy tóleýge mindetteldi.
You Might Also Like
-
Májilis depýtaty, burynǵy opozısıalyq jýrnalıs Ermurat Bápı 3 shildede «Eski de, jańa el týraly qısynsyz mıfter» atty maqala jarıalap, qazirgi prezıdent Qasym-Jomart Toqaevtyń saıasatyn jaǵymdy qyr...
-
Astanada balabaqshada balany urǵan tárbıeshi bas bostandyǵynan aıyrylmady
