Sońǵy jańartý

(Ózgertilgen ýaqyty 4 kún buryn)
Jańa álipbıdi bilim júıesine engizý tyńǵylyqty túrde pysyqtalyp júrgiziledi

Bilim júıesine latyn grafıkasyndaǵy qazaq tili álipbıin engizýdiń ár kezeńi tyńǵylyqty pysyqtalady. Bul týraly Bilim jáne ǵylym mınıstri Erlan Saǵadıev málim etti.

«Ózderińiz bilesizder, búginde ǵalymdar jumystaryn jalǵastyryp jatyr. Osy oraıda emle-ereje kerek, bizge gramatıkany jazyp, qajetti sózdikterdi shyǵarý kerek, sondaı-aq termınologıany pysyqtaý qajet. Jalpy, belgilengen aýqymdy jumys júzege asyrylǵannan keıin, biz aprobasıa prosesin bastaımyz», - dep túsindirdi E. Saǵadıev Ortalyq komýnıkasıalar qyzmetindegi baspasóz máslıhatynda.

Osy oraıda mınıstr latyn qarpine kóshý úderisi iriktelgen mektepterde, stýdenttik ortada júrgiziletinin atap ótti. Tek osyndaı tyńǵylyqty pysyqtalǵan sharalardan keıin ǵana birinshi synypqa deıingi jáne birinshi synyp ustazdaryn daıarlaý bastalady.

«Barlyq qajetti degen jumystar eskerilgennen keıin ǵana latyn grafıkasyndaǵy qazaq tili álipbıin bilim berý júıesine, mektepterde ári ýnıversıtetterde engizýdiń kestesin talqylaımyz», - dep naqtylady mınıstr.

Onyń aıtýynsha, osy úlken jumystyń árbir kezeńin vedomstvo muǵalimdermen, mektep dırektorlarymen, ýnıversıtet pedagogtarymen, sarapshylarmen talqylap, sáıkesinshe usynystar respýblıkalyq komısıaǵa joldanady.

«Búginde stýdenttik ortada, jýrnalıser arasynda eriktilerdiń keń shoǵyry paıda bolǵanyn baıqap otyrmyz, sondyqtan aprobasıa buqaralyq sıpatqa ıe bolady dep oılaımyn»,-dedi E. Saǵadıev.

QazAqparat


You Might Also Like

Jańalyqtar

Jarnama