InfoHub Logo

Jańa aqparattyq tehnologıany paıdalaný – zaman talaby

Bilim berýdi aqparattandyrý jaǵdaıynda pedagog mamandardyń biliktiligin kóterý – búgingi kúnniń negizgi mindetteriniń biri. Sondyqtan pedagog mamandardyń biliktiligin kóterýdi aqparattandyrý týraly tujyrymdama, standart jáne oqý taqyryptyq josparlaryn jasaqtaý qajet. Degenmen osy qajettilikti sheshý barysynda pedagog mamandardyń biliktiligin kóterý úshin aqparattyq tehnologıany óz qyzmetterine paıdalaný salasy boıynsha tujyrymdama, modýldik jumys baǵdarlamalary jasaqtalǵan. Sonymen birge bilim berýdi aqparattandyrý jaǵdaıynda pedagog mamandardyń aqparattyq saýattylyǵyn qalyptastyrý búgingi kúnniń ózekti máselesi.
Elbasy N. Á. Nazarbaev óz joldaýynda «Tehnıka mamandar ıesi – bul bizdiń bolashaǵymyz, olardy zańgerlerge, ekonomıserge jáne dıplomattarǵa teńestirýge bolmaıdy» dep atap kórsetti.

Qoǵamda aqparattyq tehnologıalar, esepteý tehnıkasy quraldary keńinen taralýyna baılanysty oqý úrdisin uıymdastyrýǵa, sol sıaqty bilim berýdiń mazmunyn ózgertýge de eleýli yqpal etýde. Bilim berý júıesindegi qaıta qurýlardyń negizgi sýbektisi – muǵalim. Qazirgi mektepte shyǵarmashylyq izdenis qabileti damyǵan, jańa pedagogıkalyq tehnologıalardy jete meńgergen, mamandyq sheberligi qalyptasqan muǵalimder qajet. Ol bir ýaqytta ári pedagog, ári psıholog, ári oqý úrdisin uıymdastyrýshy tehnolog bola bilýi kerek. Kompúterdiń múmkindikterin eskere otyryp, oqytý máselesine taldaý jasasaq, psıhologıanyń, pedagogıkanyń ilgeri oqytý tehnologıasynan psıhologıalyq - pedagogıkalyq, ádistemelik máseleler týyndaıdy.
Kompúterlik jeli arqyly mektep muǵalimderi men oqýshylary ózderine kerekti sabaqtardy, testterdi paıdalana alady.

Jańa tehnologıalar – pedagogtyń múmkindigin kúsheıtetin qural, biraq ol muǵalimdi almastyra almaıdy. Kompúter múmkindilikteri psıhologıa men dıdaktıka turǵysynan taldanyp, kerek kezinde pedagogıkalyq talaptarǵa saı qoldanylýy kerek.