InfoHub Logo

Jańa jyl,jańa baǵyt,jańa kún,

Jańa jylda kezigedi ásem ún.     

Jańa jylda dıdarlanyp kún shyqsa

Jańa jyldy toılaýmenen bolar tún!

-degendeı jańa jyl merekesi barlyǵyna ózgeris ornatady.Jańa jyl árkimniń úıine baqyt,baq-bereke,yrys ákeledi.Jańa jyl toılanar kúnge deıin árbir shańyraqta asyǵa kútken jańa jyldaryna qamdaný bastalady.Árkim ózdiginshe úıin sándep,ár túrli zattarmen bezendirip,jańa jyldyq kıimder alyp,úıge nemese syrt jaqqa(aýlanyń ishine) shyrsha qoıyp oǵan oıynshyqtaryn taǵyp, túrli tústi shamdarmen ásemdep aýlany,úıdi muntazdaı etip tazalap,jańa jyldy qarsy alady.Jańa jyl toılanyp atap ótý úshin úıge azyq-túlik alyp,jańa jyl jaǵdaıyn aldyn-ala jasap alady.Bári máz-meıram bop,bir-birimen renjisip qalǵan adamdar tatýlasyp,jańa jyl sondaı keremet barlyǵyna qýanysh ákeledi.Aıaz ata men Aqsha qar jańa jyldyń eń basty keıipkerleri:Aıaz ata syılyqqa toly dorbasyn arqalap,Aqsha qardy janyna ertip alyp,úıdi-úıdi aralaıdy.Al,bul jańa jyldy jyl saıyn kórip,sol jaıly bilip júrip ózine óte qatty áser alǵan balalar Aıaz ataǵa hat jazyp,armanyn aıtyp,jarqyn-jarqyn sózderin qosyp,lebiz tilekterin bildiredi. Jańa jyldyń tárbıelik máni de óte zor.Kishkentaı balalar «Alaqaı,Aıaz ata keledi!»,-dep,taqpaqtar jattap,syılyq alýǵa umtylady.Munyń ózi balalardy bilimge,eńbekke beıimdeıdi.Jańa jyldyń osy bir keremetteri:appaq qarda kórkeıip jap-jasyl bolyp turǵan shyrshalar qystyń balǵyn kezinde ádemi bop,ony barlyǵy aınalyp án shyrqaǵanǵa,qýanyshtary qoınyna syımaı keshtiń sońy ot shashý bop qyzyqtarǵa ulasady.Adamdardyń bári jamandyqtan arylyp,tek jaqsylyq bolyp,izgi nıetter aıtylyp jańa jyl,jańa ómir qaıtadan ómirge taza bolyp kelgendeı barlyq kúnádan arylyp janǵa tynyshtyq uıalatady.Jańa jyldy otbasyńmen,týysqandaryńmen bas qosyp atap ótkenge ne jetsin! «Eski jyl esirke,jańa jyl jarylqa»,-dep,eski jyl-dońyz jylymen qoshtasyp endi,jańa jyl-2020 jyl tyshqan jylyn qarsy alamyz.Tyshqan-jyl basy emes pe?! Sondyqtan, «Keler jyldyń jaqsylyǵy mol bolsyn»,-dep,bir-birimizge jaqsy tilekter aıtyp,jańa jyldy jaısań kóńil-kúımen qarsy alaıyq! Jańa jyldaryńyz qutty bolsyn!

Qadirjan Aldahov                                                 

---