InfoHub Logo

" Jańa jyldyq ertegi"
Qurmetti ata - analar, apaılar, baldyrǵandar mine taǵyda bir jyldy qarsy alýǵa jınaldyq. Ótken jyl biz úshin elimiz úshin jaqsy, beıbit tynysh jyl boldy. Baldyrǵan bóbekterimiz jasyna jas qosyp, taǵy da 1jasqa ósti. Kele jatqan jańa jylymyz bárimiz úshin qutty jyl, jemisti jyl bolsyn!
Keledi mine, jańa jyl appaq bolyp,
Án salyp, jumbaq bolyp, taqpaq bolyp.
Aýlamyzdyń tusynda qonyp jatyr
Aıaz bolyp, muz bolyp, qatpaq bolyp.
Aısha: Armysyńdar halaıyq!
Barmysyńdar, halaıyq!
Jańa jyldy jup jazbaı,
Birge qarsy alaıyq!
Aqpeıil: Jasyl shyrsha janynda,
Barlyq dostar jınaldy.
Káne balaqaı, baıqashy,
Mán berip qarashy!
Aısha: Dostardyń barlyǵy,
Úlgerdi me, sanashy,
(Qalǵan balalar zalǵa kirip,
Sheńberge turady)
Aqpeıil: Keldi taǵy jańa jyl
Qýantýmen bizderdi.
Qutty bolsyn jańa jyl
Quttyqtaımyz sizderdi.
Aısha: Shyrshamyz, shyrshamyz,
Kóńildimiz barshamyz.

Án salýǵa, bı bıleýge,
Biz daıynbyz bárimiz.
Aqpeıil: Al, balalar, qur turmaıyq.
Hanzadamen hanshaıymdy shaqyraıyq.
Án salaıyq, bı bıleıik,
Jańa jylda qarsy alaıyq!
Shyrsha janynda sandyq tur. Hanzada men Hanshaıym kóńilsiz otyr.
Hanshaıym: Sálemetsińder me balalar sender kórip tursyńdar bizder qandaı jaǵdaıǵa tap boldyq.
Hanzada; Senderge aıaz ata sandyq toly syılyqtardy daıyndaǵan edi, biz osy sandyqty saqtaı almadyq. Ashýly sıqyrshy óziniń sıqyrymen sandyqqa 6 qulyp salyp sıqyrlap qoıdy. Ol balalardyń qýanǵanyn kórgisi kelmeıdi. Sebebi onyń júregi qara, esh qýanýdy bilmeıdi. Endi jańa jyl merekesi bolmaıdy, sebebi syılyqtar joq. Syılyqtarsyz mereke bola ma?
Hanshaıym: Toqta sabyr saqta balalarǵa syılyq joq dep qorqyta ber me? Sandyqtyń sıqyryn ashýǵa barlyq múmkindikterdi qaraýymyz kerek. Men oılaımyn qulyptyń kilti bolmaýy múmkin emes. Biz qaıtkende kilti tabýymyz kerek.
Hanzada: Sıqyrshy qulyptyń kiltterin barlyq ertegilerge laqtyryp jibergen eken. Endi biz kilti qaı ertegiden tabamyz.
Hanshaıym; Biz kiltti tabýǵa jolǵa shyǵýymyz kerek.
Hanzada: durys aıtasyń. Bizdi uzaq joldar kútip tur. Al balalar sender sıqyrlanǵan qulyptyń kiltin tabýǵa bizben barasyńdar ma?
Balalar: Ia.
Hanshaıym: sender aram pıǵyldy kúshterden qoryqpaısyńdar ma?
Balalar: Joq qoryqpaımyz.
Hanzada: jaraısyńdar bárimiz birge baramyz.
Hanshaıym: jolymyz jeńil bolsyn dep jaqsy bir án aıtaıyq. Balalar sender án bilesińder me?
Balalar; ıa, bilemiz?

Hanshaıym; onda jolǵa shyǵaıyq.
Án: "Qys qyzyǵy"
Hanshaıym: Mine biz keldik.(balalar otyrady)
Hanzada: Myna úıde kim turady?
Balalar: jalmaýyz kempirdiń úıi.
Hanzada: týk - týk – týk kirýge bola ma?
J. kempir: kire ǵoı batyr jigit.
Hanshaıym: Salamatsyń ba áje.
J. Kempir: Salamatsyń ba munda ne istep júrsińder?
Hanzada: Biz sıqyrlanǵan qulyptyń kiltin izdep júrmiz. Siz kópti – kórgen ájesiz bizge kómektesińizshi.
J. Kempir: sıqyrly qulyptyń kiltin tabý ońaı emes. Ony tabýǵa senderdiń aqyl - oılaryń jete me?
Hanshaıym: Áje árıne jetedi..
J. Kempir: onda men senderge jumbaq jasyryp senderdi tekserip kóreıik.
Hanshaıym: Áje barynsha tabýǵa tyrysamyz.
Eshteńeden qaımyqpaı, Qysy - jazy sheshpeıtin,
Kózdi arbaǵan órnekpen kóılegi bar jasyldan.
Sýret salar aınytpaı Ózgertpeıdi esh keıpin,
Sheber edi ol netken.(aıaz) jaralǵandaı asyldan. (shyrsha)
J. Kempir: úıim meniń jalǵyz dosym, sen myna balalarǵa jumbaq jasyrshy;
1 Qysta shyny bop qatady,
jylyda sý bop jatady.( muz)
Jaraısyńdar balalar men senderge rızamyn.
J. Kempir: kórip turmyn sender tapqyr ekensińder. Al sender bıleı alasyńdar ma?
Balalar: Ia.(bı j. kempirmen)

J. Kempir: oı, sharshadym meni qýantyńdar, kópten bılegen joq edim. Endi men senderge kómektespesem bolmas. (úıge kirip mashınanyń kiltin alyp keledi. ) Mine kilt.
Hanzada: joq bul emes. Qulyptyń kilti basqa.
J. kempir: oı, qartaıǵan basym - aı taýyp alǵan bir kilt bar edi, sony ákep bereıin. Mine myna kilt pe?
Hanshaıym: rahmet áje. Sıqyrshynyń basqa kiltterdi qaıda jibergenin bilesiz be?
J. Kempir: bilmeımin, senderge sıqyrly kilti bergenimdi sıqyrshy bilse, onda maǵan jaqsy bolmaıdy. Eger bilse meni jazalaıdy. Joldaryń bolsyn qalǵan kiltti ózderiń taýyp alarsyńdar.
Hanshaıym: qyzyl telpek sen qaıda barasyń?
Qyzyl telpek: Ájemniń úıine baramyn.
Hanzada: sen bizge sıqyrlanǵan kiltti tabýǵa kómektesshi.
Qyzyl telpek: qandaı kilt?
Hanshaıym: balalarǵa arnalǵan merekelik syılyqtar salynǵan sandyqqa sıqyrshy sıqyrly qulyptar salyp qoıdy. Sen sıqyrly kiltti kórgen joqsyń ba?
Qyzyl telpek: Maǵan qasqyr myna kiltti bergen etin, bálkim osy kilt shyǵar?
Hanzada: Oı, rahmet Qyzyl telpek dál osy kilt? Al basqa kiltterdi qaıdan tabýǵa bolady?
Qyzyl telpek: Joq, bilmeımin. Orman turǵyndarynan sura bálkim solar biler?
Túlki: Men túlkimin ádemi,
Kim bilmeıdi túlkini.
Jańa jylda bul kúni.
Aldamaımyn eshkimdi.