InfoHub Logo

Jangeldın aýylynda joǵalǵan otbasynyń máıitteri dıvan astynan tabyldy. Bul oqıǵaǵa qatysty tergeý jalǵasýda.

Bul týraly Infohub.kz aqparat agenttigi habarlaıdy.

Kórshi balanyń baıqaýy

Atyraý oblysynda iz-túzsiz joǵalǵan otbasyǵa qatysty qylmystyq is boıynsha tergeý amaldary jalǵasýda. Zeınetker erli-zaıyptylardyń ólimine baılanysty olardyń kenje qyzy men kúıeý balasyna halyqaralyq izdeý jarıalanǵan.

KTK taratqan aqparatqa sáıkes, máıitterdiń tabylýyna túrtki bolǵan taǵy bir mańyzdy derek belgili boldy. Marqumdardyń týysy Ádemi Shylmaǵanbetovanyń aıtýynsha, úı ishindegi kúmándi jaǵdaıdy alǵash bolyp kórshi bala baıqaǵan.

"Buryn mal soıýǵa kómektesip júrgen kórshi bala dıvannyń ádettegi ornynda turmaǵanyn ańǵarǵan. Ol dıvandy jyljytqanda, astynan máıitter tabyldy. Dıvannyń astyna rýberoıd tóselip, ústi kilemdermen jabylǵan eken. İnim sol jerdi ózi qazyp kórip, adam súıekterine tap boldy, alaıda ótkir ıistiń saldarynan ári qaraı jalǵastyra almady", – deıdi marqumnyń ápkesi.

Tergeý jalǵasýda

Atyraý oblystyq polısıa departamenti tergeý jumystarynyń toqtamaǵanyn jáne izdeýdegi adamdar sany ózgermegenin málimdedi.

"Eki adamnyń súıegi tabylǵannan keıin izdeýde tórt adam qaldy. Qalǵan eki jábirlenýshini izdeý sharalary jalǵasýda. Sonymen qatar zeınetkerlerdiń kenje qyzy habar-osharsyz ketken adam retinde halyqaralyq izdeýge jarıalandy, al onyń kúıeýi qylmysqa kúdikti retinde izdestirilýde", – dep habarlady polısıa ókilderi.