InfoHub Logo

Tanymal abaıtanýshy Omar Jáleldiń burynǵy áıeli onyń otbasylyq ómirindegi qupıalardy ashty. Ol eki áıel alyp, balasymen birge qýyp jibergenin málimdedi.

Bul týraly Infohub.kz aqparat agenttigi habarlaıdy.

Otbasylyq drama

Onyń aıtýynsha, olar 31 qańtar kúni nekelesken. Sol jyly qyrkúıek aıynda tuńǵysh sábıleri dúnıege kelgen. Áıeldiń sózinshe, ózi otbasyna kelin bolyp túskennen keıin Omar Jálel birinshi jubaıynan týǵan ulyn úılendirgen. Tipti ózi ony «qutty kelin bolyp keldiń» dep aıtqan kórinedi.

Alaıda alǵashqy júktilik kezeńinde eki áıeldiń araqatynasy ýshyǵa túsken. Ekinshi jubaıy birinshi áıel tarapynan qyzǵanysh pen qysym bolǵanyn alǵa tartty.

«Júkti bolǵanymdy qabyldamaı, túrli qujat talap etip, balaǵa kúmán keltirdi. Keıin úshinshi áıel alatynyn aıtty. Sol kezde ishtegi balam alty aılyq edi. Tipti bosanǵan soń balany alyp, báıbishege beretinin de jetkizdi», – deıdi ol.

Aıtýynsha, bul usynysqa úzildi-kesildi qarsy bolǵan. Keıin Omar Jáleldiń úshinshi áıel alǵanyn bir aı ótken soń ǵana bilgen. Sol ýaqytta oǵan Túrkıaǵa ketý usynylǵan.

Sotqa júginý

Qazirgi tańda burynǵy jubaıynan múlde habar joq ekenin, onyń balalarymen de aralaspaıtynyn aıtty. Osyǵan baılanysty sotqa júginetinin málimdedi.

«Meniń taǵdyrymmen oınady. Menen keıin taǵy eki áıel aldy. Bala týǵyzyp alyp, keıin qýyp jiberdi», – dedi ol.