InfoHub Logo

«Jas Qyran» jáne «Jas Ulan» balalar men jasóspirimder uıymyna saltanatty túrde qabyldaý jıyny.

Mektep úzdikteri men ekpindilerin Respýblıkalyq biryńǵaı «Jas Qyran» jáne «Jas Ulan» balalar men jasóspirimder uıymyna saltanatty túrde qabyldaý rásimi
İ Týdy kirgizý
İİ Ánurandy oryndaý
İİİ Qabyldaý rásimi
İV Ant berý
V Uıymnyń maqsaty men mindetterimen tanystyrý
Vİ Quttyqtaý sózder
Vİİ Týdy shyǵarý 

1 - júrgizýshi:
Táýelsizdik – babalardyń urany,
Beıýaqytta boıǵa tartqan tumary.
Táýelsizdik - túnekterde tunshyǵyp,
Yzǵar uryp janbaı qalǵan shyraǵy.
Armysyzdar, qurmetti ustazdar, oqýshylar jáne qonaqtar! Elbasymyz N. Á. Nazarbaevtyń tapsyrmasymen Qazaqstan Respýblıkasy Táýelsizdiginiń 30 jyldyǵy qarsańynda 2021 jyly 6 shildede elimizdiń naǵyz patrıottaryn, eńbekqumar, bilimge qushtar, salt - dástúrimiz ben adamzattyq qundylyqtarymyzdy qasterleıtin jas jetkinshekterdi, otansúıgish ulandardy tárbıeleý maqsatynda Respýblıkalyq Biryńǵaı «Jas Ulan» balalar men jasóspirimder uıymy qurylǵan bolatyn.
2 - júrgizýshi:
Táýelsizdik – berekeniń bir basy,
Dáýletiń men sáýletińniń tunbasy.
Qazaqstan sen bir elsiń jahanǵa,
Teń tanylǵan taýdaı asqaq tulǵasy.
Mine, búgin de elimizdiń Táýelsizdik merekesine oraı mektep úzdikteri men ekpindilerin jáne belsendilerin «Jas Qyran» jáne «Jas Ulan» uıymynyń quramyna qabyldaý rásimine arnalǵan saltanatty jıynymyzdy ashyq dep jarıalaımyz!

1 - júrgizýshi:
Sóz «Jas Ulan» uıymynyń Prezıdenti 10 synyp oqýshysy Táńirbergen Aıhanǵa beriledi.
Prezıdent: Mektep, sap túzep, tik tur!
Qazaqstan Respýblıkasynyń Memlekettik týy kirgizilsin!
(Tý kirgiziledi).


2 - júrgizýshi:
Túsinip tereń, ómirdiń mánin,
Jalyndy jastar, sendersiń sánim
Beretin boıǵa kúsh - qýat, jiger
Shyrqalsyn shattyq Ánuran ánim!
Qazaqstan Respýblıkasynyń Memlekettik ánurany oryndalsyn!(Ánuran oryndalady).
1 - júrgizýshi:«Jas Ulan» uıymynyń negizgi maqsaty - oqýshylardyń qoǵamdyq, áleýmettik, tanymdyq jáne shyǵarmashylyq qabiletterin damytý. Al mindetteri - áleýmettik tájirıbeni baıytý jáne damytý, mekteptegi tárbıelik áleýetin júzege asyrý bolyp tabylady.

2 - júrgizýshi: «Jas Ulan» jáne «Jas Qyran» uıymynyń músheleri Táýelsizdik qarsańynda ótkizilip otyrǵan «Jas Ulan» uıymyna qabyldaý saltanatty jıynyna daıyndyqtary týraly Uıym Prezıdentine habarlama jasasyn.

«Jas Ulan» uıymynyń belsendi múshesi Ulan Qajyǵalı:
«Jas Ulan» uıymy, sap túzep, tik tur! Qurmetti Uıym Prezıdenti, «Jas Ulan» uıymy Táýelsizdik merekesine oraı ótkizilip otyrǵan Respýblıkalyq Biryńǵaı «Jas Ulan» balalar men jasóspirimder uıymynyń qataryna qabyldaý saltanatty jıynyna:
«Táýelsiz elimizdiń bolashaǵy,
Týǵan el men Otanyn maqtan tutar.
Salaýatty ómir saltyn ustanar,
Biz – patrıot jas ulandar!» uranymen daıyn.

«Jas Qyran» uıymynyń belsendi múshesi:
«Jas qyrandyqtar» sap túzep, tik tur! Qurmetti Uıym Prezıdenti, «Jas Qyran» toby Táýelsizdik merekesine oraı ótkizilip otyrǵan Respýblıkalyq «Jas Ulan» balalar men jasóspirimder uıymyna qabyldaý saltanatty jıynyna.
«Biz – bolashaq jas qyran,
Óz Otanyn qorǵaıtyn.
Bilim súıer ulanbyz,
Zańǵar kókke samǵaıtyn.» uranymen daıyn.
«Jas Qyran» toby, erkin tur!
1 - júrgizýshi:
Endeshe, táýelsizdik kúnine arnaıy oraılastyrylǵan oqýshylardy «Jas Ulan» uıymynyń qataryna qabyldaý rásimine kóshe otyra, aldymen uıymnyń maqsat, mindet, erejelerimen tanystyrýǵa ruqsat etińizder.
Jasulan – jigerli de jaıdarly uıym
Tól merekeń jyl saıyn toılandy uıym!
Jańǵyryp, jandanatyn jyldan - jylǵa
Jasulan – jalyndy uıym, aıbarly uıym.
Sonymen, «Jas Ulan» uıymy oqýshylarynyń árbir múshesi qandaı bolýy kerek ekendigin aıta keteıik.
(«Jas Ulan» uıymynyń árbir múshesi shyǵyp aıtady).

1 oqýshy - Qabdylqasym: Qoǵamdyq ómirde, turmysta, qazaq ulttyq bolmysta, halyqtyq kelbetpen qalypty saqtaı otyryp, ata - anasyn shynaıy syılap, olardyń ónegeli qasıetterin boıǵa sińirip, ósıetterin oryndaýdy perzenttik paryz dep túsinedi. Týǵan elin sheksiz súıedi.
2 oqýshy - Nazerke: Qazaqstan Respýblıkasynyń týynyń túsindeı galstýk taǵý kerek jáne Respýblıkamyzdyń memlekettik nyshandaryn qurmettep, memlekettik ánurandy jatqa aıtý qajet.
3 oqýshy - Aqnıet: Shet elderdiń memlekettik nyshandary, adamdardyń nemese basqa da sýretter salynǵan, ataýlar jazylǵan, kıimderdi kıýmen, zattardy paıdalanýmen áýestenbeıdi.
4 oqýshy - Láılim: Ózin turmysta, qoǵamdyq ómirde sypaıy, qarapaıym minezde ustaıdy.
5 oqýshy - Janar: Qazaq tilin erkin meńgerip eldiń tarıhyn, mádenıetin, ádebıetin, ónerin, salt - dástúrin jaqsy bilý, damyta túsý saqtaý úshin yntaly eńbektenetin bolady.
6 oqýshy - Baqdáýlet: Jasulan uıymynyń múshesi - Otanyna adal. Jasulan uıymynyń múshesi - Otanynyń adal azamattary.
7 oqýshy - Aısulý: Jasulan uıymynyń múshesi - Otanynyń táýelsizdigi men bostandyǵy úshin kúresýshi.
8 oqýshy - Aıgúl: Jasulan uıymynyń múshesi - batyrlarymyzdyń atyn qurmettep, onyń máńgi qorǵaýshysy bolýǵa daıyndalady.
9 oqýshy - Ádilet: Jasulan uıymynyń múshesi - oqýda, eńbekte jáne sportta ójet te qaısar.
10 oqýshy - Qajyǵalı: Jas Ulan uıymynyń múshesi - shynshyl, adal joldas, árqashan da shynshyldyq úshin kúresýge daıyn bolýy kerek.
(oqýshylar 0ol shapalaqtap, qoshemet kórsetedi).

2 - júrgizýshi: «Biz...»
Oqýshylar: «Jas Ulan»

1 - júrgizýshi: - uranymyz:
Oqýshylar: «Bizdiń barlyq oıymyz, bilimimiz, isterimiz,
Egemendi elimizdiń bolashaǵy úshin» - 3 ret.

2 - júrgizýshi: Qabyldaýǵa jas ulandar daıyn.

1 - júrgizýshi:
Egemendi elimizdiń tiregi
Mekteptiń bolashaǵy jigeri
Dostyqpen tatýlyq tilegi
«Jas Ulan» uıymynyń biz túlegi

2 - júrgizýshi: Qurmetti mektep ákimshiligi jáne ardaqty ustazdar! Sizderdi «Jas Ulan» uıymyna qabyldanǵan oqýshylarǵa týymyz tústes kógildir galstýk jáne tós belgilerin tabystaý rásimine shaqyramyz
1 - júrgizýshi: Búgingi jıynnyń eń jaýapty sáti, ant tapsyrý rásimin «Jas Ulan» uıymy qataryna qabyldanýshy oqýshylarǵa beremiz.
( «Jas Ulannyń» 1 múshesi ant beredi, qalǵandary «Ant etemiz, ant etemiz, ant etemiz» dep 3 ret qaıtalaıdy)

Bilim mınıstri Hamza Qabdylqasym
Anttyń mátini:
Men, ____________________, Respýblıkalyq biryńǵaı «Jas Ulan» balalar men jasóspirimder uıymynyń qataryna kire otyryp:
Óz otanym – Qazaqstan Respýblıkasynyń patrıoty bolýǵa;
Memlekettik rámizderdi qurmetteýge, dáripteýge;
Týǵan elim, jerim, Otanymdy maqtanysh etýge;
Ata - anamdy qadirleýge;
Úlkenge qurmet, kishige izet kórsetýge;
Bilimge tabandylyq pen umtylýǵa;
Salaýatty ómir saltyn ustanýǵa;
Tabıǵatty aıalaýǵa;
«Jas Ulan» Erejesin buljytpaı saqtaýǵa jáne ony óz dostarymnan talap etýge ant etemin.
ANT ETEMİZ, ANT ETEMİZ, ANT ETEMİZ!

2 - júrgizýshi: Quttyqtaý sóz mektep dırektory Kembebaeva Gúlnar Zaýlanbaıqyzyna, mektebimizdiń ardager ustazy aǵylshyn tili pániniń muǵalimi Shınasylova Klara apaıǵa jáne dırektordyń tárbıe isi jónindegi orynbasary Seıseke Ahyn aǵaıǵa beriledi.

1 - júrgizýshi: Qurmetti, oqýshylar «Jas Ulan» uıymyna qabyldanýlaryńyzben quttyqtaımyz! Egemendi elimizdiń eńseli azamattary bolýlaryńyzǵa tilektespiz.
Mektep! Tik tur! QR týy shyǵarylsyn!

2 - júrgizýshi: Aldaryńyzda «Jas Ulan» uıymynyń belsendi músheleri 10 synyp oqýshysy Janset Aıajan men 8 synyp oqýshysy Muzarapsha Nazerkeniń oryndaýyndaǵy «Atalarym - ardager» ánin qabyl alyńyzdar.

1 - júrgizýshi:
Bilimdi – kókirekte nur dep túsin
Jigerli, jalyndy otty jyr dep túsin.
Atalǵan maqsat, talap, erejeni,
Oryndaýǵa bárińde mindettisiń!

2 - júrgizýshi:
Rızamyn dep osyndaı jastyq shaqqa,
Ne jeter «Jas Ulan» degen laıyq atqa.
Kelemiz egemendi el tórine órlep,
Ashylyp aldymyzdan altyn qaqpa.

Júrgizýshiler: Birge
“Jas Ulan” – Qazaqstandy súıedi
“Jas Ulan” – mektepte úzdik oqıdy
“Jas Ulan ” – úlkenderdi qurmetteıdi
“Jas Ulan ” – tek shyndyqty aıtady
“Jas Ulan ” – sport pen eńbekti unatady
“Jas Ulan ” – bolashaq “Jas Otan”

1 - júrgizýshi: Respýblıkalyq biryńǵaı «Jas Ulan» balalar men jasóspirimder uıymy qataryna saltanatty qabyldaý rásimi óz máresine jetti, saltanatty jıynymyzdy jabyq dep jarıalaımyz.

Almaty oblysy, Balqash aýdany,
«Birlik orta mektebi» memlekettik
komýnaldyq mekemesiniń
pedagog - uıymdastyrýshysy
Mamyrova Karlyga Kalkamanovna