InfoHub Logo

Júrý densaýlyqqa asa paıdaly. Jaıaý júrý — adam aǵzasynyń fızıkalyq jaǵdaıyn jaqsartatyn tıimdi qural. Ásirese júrek bulshyq etteriniń qalypty jumys jasaýyna jaǵdaı jasaıdy. Kúndelikti kúıbeń tirshilikpen qansha shaqyrym jol júrip, qansha qımyl-qozǵalys jasaǵanymyzdy qaperge ala bermeımiz. Dese de tehnologıa damyǵan zamanda qımyl-qozǵalysymyz azaıyp bara jatqanyn moıyndaýǵa tıispiz. 

Mamandar kúnine kem degende 30 mınýt jaıaý júrýdiń paıdasyn bylaısha tizbekteıdi:

— Rýhanı sergektik beredi. Mezgil ózgeristerinde ásirese kúz aılarynda depressıaǵa beıimdilik baıqalady. Al jaıaý júrý shokoladtan da kóp baqyt gormonynyń túzilýin qamtamasyz etedi. Onyń ústine kalorıasyz túrde.

— Mı jaqsy jumys isteıdi. Mıǵa qatysty zertteýler qozǵalystaǵy adamnyń mıy otyryp jumys isteıtin adamǵa qaraǵanda jyldam oılanatyny jáne jańa pikirler qalyptastyra alatyndyǵy anyqtalǵan.

— Aryqtaýǵa kómektesedi. Úıden jumysqa, jumystan úıge kem degende 30 mın jaıaý júretin bolsańyz, maıdyń erýine 2 paıyzǵa yqpal etken bolasyz.

— Sondaı-aq zertteýler asyqpaı, baıaý júrýge qaraǵanda bir qalypty jyldam tempti júrýdiń paıdasy kóbirek ekendigin kórsetken.

— Sozylmaly aýrýlardan qorǵanasyz. Jaıaý júrý qan qysymyn 11 balǵa azaıtady jáne sal aýrýyna shaldyǵý qaýipin 20-30 paıyzǵa azaıtady. Aptada 5 kún 30 mınýt jaıaý júrý arqyly júrek aýrý qaýipin 30 paıyzǵa azaıta alasyz.

— Júıeli túrde jaıaý júrý varıkoz aýrýy qaýipin azaıtady. Qan aınalymyn retke keltiredi.

— Jaıaý júrý salmaq tastatyp býyndarǵa túsetin júkti azaıtý men qatar otteginiń býyndarǵa jaqsy taraýyn qamtamasyz etedi.

— Ózińizge ýaqyt bóle almaı júrgen bolsańyz jaıaý júrińiz. Adam kóbinese júrgen kezde jeke qalady jáne oılanady. Turmys-tirshiligińizdi taldaý, keleńsizdikterge sheshim izdeý, kópshilikten jyraq shyǵyp ishki sezimderdi tyńdaý úshin jaıaý júrýdi baıqap kórińiz. 

---