InfoHub Logo

Óz tájirıbıemnen ashyq sabaq
Sabaqtyń taqyryby: Jazbasha qosý jáne azaıtý
Sabaqtyń maqsaty: Eki tańbaly sandardy baǵan túrinde jazyp jáne sáıkes shyǵarý algorıtmin paıdalanyp, qosýdy, azaıtýdy oryndaýdy úıretý.
Oı - órisin, logıkalyq oılaý, este saqtaý, tanym qabiletterin, jeke jumys jasaý daǵdylaryn, matematıkalyq tilin damytý.
Matematıkalyq saýattylyqqa tóseldirý, ýaqytty únemdi paıdalanýǵa jeteleý.

Sabaqtyń mindetteri:
1. Jazbasha qosý jáne azaıtýǵa baılanysty tapsyrmalar oryndaý;
2. Algorıtm boıynsha jumys jasatý.
Sabaqtyń túri: jańa bilimdi meńgertý.
Sabaqta qoldanylatyn ádis - tásilder: dıalogtyq, oıyn, shyǵarmashylyq, algorıtm boıynsha jumys.
Sabaqta qoldanylatyn kórnekilikter: úlestirme, kesteler, geometrıalyq pishinder.

Sabaqtyń barysy:
İ. Uıymdastyrý.
 Oqýshylardyń nazaryn sabaqqa aýdarý. (Kezekshiniń málimdemesi)
Psıhologıalyq daıyndyq.
Ǵylymnyń syryn uǵyna,
Shyǵamyz bilim shyńyna.
Uqyptylyq pen zerektik
Jetkizedi bizderdi
Matematıka syryna.
- Otyra qoıyńdar! Senderdi bar ǵylymnyń syryna jeteleıtin matematıka sabaǵymyzdy bastaıyq.

İİ. Bilimdi bekitý.
 «Matematıka» oı qozǵaý.
- Balalar myna sózge nazar aýdaraıyq.
- Matematıka sózinde neshe árip, neshe dybys bar?
- Ár áripti jeke - jeke qandaı matematıkalyq termınmen baılanystyrýǵa
bolady?
M - mysal
A - azaıtý, aıyrma, azaıǵysh.
T - teńdeý, teńdik, teńsizdik.
E - esep.
M - metr
A - azaıtqysh.
T - eńdeý.
I - ıgerk.
K - kesindi.
A - aıyrma.
- Balalar, búgingi sabaǵymyzda men sizderge matematıka sóziniń sońǵy dybysy «A» dybysynan bastalatyn «Algorıtm» degen uǵymmen tanystyrǵym kelip otyr. (sózdi ilý.) Algorıtm sózin estigenderiń bar ma, ol sózdi qaıdan kezdestirdińder?

- Bul uǵymmen tanyspas buryn ótken materıal boıynsha erejeni eske túsirip alaıyq.
- Eki tańbaly sandardy eki tańbaly sandarǵa qalaı qosymyz?
- Eki tańbaly sandardan eki tańbaly sandardy qalaı azaıtamyz?
(Erejeni aıtqyzý)
- Durys aıtasyńdar. Endi osy erejege súıene otyryp jumys jasaýdyń retin kórsetetin nusqaýdy algorıtm dep ataıdy ekenbiz. Sonda algorıtm uǵymy - nátıjege jetý úshin qaı amaldy, qaı isti qaı retpen oryndaýdy kórsetetin nusqaý desek bolady.

İİİ. Jańa sabaq.
 Sabaqtyń taqyryby men maqsatyn habarlaý.
- Mysaly men búgingi sabaǵymyzdyń algorıtmimen tanystyryp óteıin:
Jumys algorıtmi:
1. Sabaǵymyzdyń taqyrybymen tanysamyz.
2. Dáptermen jumys - kún reti, kórkem jazý, taldaý jumysy.
3. «Men oılaǵan sandy tap» oıyny.
4. Matematıkalyq algorıtm boıynsha jazbasha qosý azaıtýdy úırenemiz.
5. Tapsyrmalar oryndaý barysynda alǵan bilimderimizdi este saqtaımyz. «Kim tapqyr?» oıyny.
6. Boı sergitemiz.
7. Sabaqta ne úırengenimizdi taldaımyz.
8. Úıge tapsyrma alamyz.
9. Sabaq barysyndaǵy jetistikterimizdi baǵalaımyz.
Jaqsy baǵa alý jańa bilimdi ıgerý.
Bizdiń negizgi nátıjemiz - jańa bilimdi tolyq ıgerý bolmaq.
Búgingi sabaǵymyzda eki tańbaly sandarǵa eki tańbaly sandardy algorıtm boıynsha qosýdy jáne sáıkesinshe azaıtýdy úırenetin bolamyz.

● Dáptermen jumys.
- Dáptermen jumysty júrgizý.
- Kórkem jazý jáne taldaý.
3. «Men oılaǵan sandy tap» oıyny
- Men oılaǵan sandy teńdeý qura otyryp tap.
1. Men bir san oıladym oǵan 45 - ti qosqanda qosyndynyń máni 50 - ge teń boldy. Men oılaǵan qosylǵyshty tap. h +45= 50 H = 5
2. 12 sanyna men oılaǵan sandy qosqanda, qosyndynyń máni 52 - ge teń boldy. Men oılaǵan qosylǵyshty tap. 12+ h = 52 h = 40
3. Men oılaǵan sannan 10 - dy azaıtqanda, aıyrmanyń máni 90 - ǵa teń boldy. Men oılaǵan azaıtqyshty tap. h - 10 = 90 h = 100
4. 560 sanynan men oılaǵan sandy azaıtqanda aıyrmanyń máni 60 - qa teń boldy. Men oılaǵan azaıǵyshty tap. 560 - h= 60 h= 500