Oqýdan qaıtty jas Sapar,
Terde otyrǵan aqsaqal
Oryn berdi qasynan.
- He bildiń, balam? He habar?
Julyp aldy jas Sapar
Taqıany basynan:
- Tyńdańyz, mine, qarıa!
Jer degen - mynaý taqıa,
Tap osyndaı jup-jumyr,
Eki basy sopaq pa?
Qarańyz endi Kún jaqqa:
Lampy mynaý - Kúniń tur.
Domalaı ma?
Domalaıd!
Qulamaı ma?
Qulamaıd!
Bul osymen boldy ma?!
- Toqtat mynaý shirkindi,
Basy jumyr pende endi
Jerdi de jumyr qyldy ma?
- Joq, ata, bul - jaǵyrafıa,
Mine, sizge taqıa!
Senbeýińiz jaramaıd.
Domalaı ma?
Domalaıd.
Qulamaı ma?
Qulamaıd,
Tap osyndaı domalaıd!
- Mynany qalaı júkteımiz:
Biz nege qulap ketpeımiz?
Domalansa, munysy ne?
Sózdiń qarashy qatasyn!..
Qulasań, qulap jatasyń!
Jerdiń onda jumysy ne?!

---