Jetisý oblysy jappaı jaryqsyz qaldy: Taldyqorǵan da qarańǵyda otyr
Búgin, shildeniń 31-i kúni saǵat 14:00 shamasynda Jetisý oblysynda iri elektr aqaýy oryn alyp, tutas óńir jaryqsyz qaldy. Elektr qýatynyń óshýi Taldyqorǵan qalasyn, turǵyn úılerdi, ınfraqurylym men áleýmettik nysandardy qamtydy. Bul týraly resmı aqparatty "TATEK" AQ taratty.
15:30 ýaqytyndaǵy jaǵdaı boıynsha jaryq áli berilmegen. Apattyń naqty sebebi anyqtalyp jatyr. Jergilikti turǵyndar áleýmettik jelilerde mektepter, aýrýhanalar men dúkenderde de jaryqtyń joq ekenin jazýda.
Energetıka salasynyń mamandary júıelik aqaý nemese qosalqy stansadaǵy tehnıkalyq isten shyǵý bolýy múmkin degen boljam aıtady. Qazir apattyq brıgadalar iske qosylyp, qalpyna keltirý jumystary júrip jatyr.
Jetisý oblysynda mundaı aýqymdy elektr úzilisi sońǵy jyldary alǵash ret tirkelip otyr. Turǵyndar bolsa, tótenshe jaǵdaı kezinde jaýapty organdardan jedel ári ashyq aqparat taratýdy talap etýde.
You Might Also Like
-
Qazaqstan premer-mınıstri Oljas Bektenov bıyl turǵyn úı-kommýnaldyq qyzmet (TKSH) tarıfteriniń ósýi jalǵasatynyn málimdedi. Onyń aıtýynsha, bul – aýyr, biraq qajetti qadam.
-
Túrkıa ıadrolyq qarý jasaýy múmkin be?Aımaqtaǵy qaýipter men jahandyq shıelenister Ankaranyń strategıalyq ustanymyn ózgertpek pe?
