InfoHub Logo

Qyzylorda qalasy.
Avtory: Ǵabıden QOJAHMET

Jyr jolynan sazdyń uǵyp muratyn,
Óz bolmysy muń men sazdan turatyn.
Mańdaı shashyn silkip tastap saýsaqpen,
Telearnadan jyr oqıtyn bir aqyn.

Jaýhar jyrdan aldyq pa eken tynystaı,
Óner týmas Án menen Jyr uǵyspaı.
Óleńderi saz bolmystan quralǵan
Álgi aqyn edi Rahym Tynyshbaı.

Jyr jolymen sazdyń uǵyp ótemin,
Sen úırettiń sazsyz ómir bekerin.
Sen sińirdiń óner súıgen qaýymǵa
Án men Jyrdyń egiz uǵym ekenin.

Sendik bolmys jyr men sazǵa bólengen,
Sol ónerden qýat alyp kelem men.
Dál ózińdeı aqyn bar ma sóıletken
Do, Re, Mı, Fa, Sol, Lá, Sı - di óleńmen.

Sendegi jyr, sendegi án, ún basqa,
Sezim syrda aınaldy arý syrlasqa.
Mahabbatty jyrlamaǵan aqyn joq,
Seniń jyryń edi - aý biraq bir basqa.

Sazdy únmen jyrǵa bólep tabystyń,
Maǵynasy bolady ras ár istiń.
Telearnadan kórinýshi eń bir kezde,
Terbetilip yrǵaǵynda válstiń.

Jıi eske alyp Mahabbattyń kóktemin,
Kóp jyrlap eń aqyndardyń ótkenin.
"Keıime, inim" dep jubatqan ózińdi,
Sen kórgensiń Muqaǵalı mektebin.

Jyr jolynan sazdyń uqqan muratyn,
Óz bolmysy muń men sazdan turatyn.
Án qaldyryp aıta júrer halqyna,
Dúnıeden kóshti sosyn bir aqyn.

Shattansa áýen, shabytpenen jyr kúlsin,
Óner - máńgi, sony búgin bildim shyn.
Seri bolmys jan edi ǵoı ózi de,
Serilerdi ketti me izdep, kim bilsin?!