InfoHub Logo

Jol týraly maqal - mátelder

Jolǵa shyqqan joldan tabylar
***
Aınalys ta bolsa jol jaqsy,
Aqsaq ta bolsa qyz jaqsy.
***
Alys jol atty synaıdy,
Aýyr jol erdi synaıdy.
***
Alys jolǵa shyǵar bolsań, aldymen joldasyńdy saıla.
Jaýdyń aldyn alar bolsań, aldymen qolbasyńdy saıla.
***
Alys júrseń de jolmen júr.
***
Alys sapar alǵashqy kadamnan bastalady.
***
Arqan boıy soqpaqtyń tusaý boıy tóteligi bar.
***
Atar tańǵa júrseń de batar kúnge júrme.
***
Aýyzdyń qaıda ekenin qol biledi,
Aýyldyń qaıda ekenin jol biledi.
***
Aýyr jol atandy synaıdy,
Aýyr is adamdy synaıdy.
***
Ashshy men tushshyny tatqan biler,
Alys penen jaqyndy jortqan biler.
***
Barar jer uzaq bolsa,
Qaıtar jol qysqa bolar.
***
Betkeıden ótseń bel qalar.
***
Bir jol bar jaqyn, jaqyn da bolsa alys.
Bir jol bar alys, alys ta bolsa jaqyn.
***
Eki eldi jol qosady,
Eki adamdy qol qosady.
***
Etik jolǵa bastaıdy,
Shalbar túzge bastaıdy.
***
Jaqsy joldyń uzyny jaqsy,
Jaman joldyń qysqasy jaqsy.
***
Jaqsy jol elge jora.
***
Jaqsy jol uzaq ta bolsa jaqyn,
Jaman jol jaqyn da bolsa alys.
***
Jaman shopan qoıdan kóredi,
Jaman shofer joldan kóredi.
***
Jeldi qýǵan joǵalar,
Joldy qýǵan ońalar.
***
Jol azaby — kór azaby.
***
Jol anasy — iz,
Er anasy — túz.
***
Jolaýshyǵa joldan joldas qosylar.
***
Jolaýshyny jol asyraıdy,
Ónerpazdy qol asyraıdy.
***
Jolaýshyny jol synaıdy.
***
Jolaýshynyń azyǵy jolynda.
***
Jolaýshynyń aqysy júrse bitedi.
***
Jol bolmaıdy asýsyz,
Toı bolmaıdy shashýsyz.
***
Jol bilmegen adastyrady,
Jón bilmegen shatastyrady.
***
Jolǵa jomart qonar nemese námart qonar.
***
Jolǵa shyqqan jolaýshy jol amalyn suraıdy.
Artta qalǵan aýylda el amanyn suraıdy.
***
Jolǵa shyqqan joldan tabylar.
***
Jolǵa shyqpaq bolsań:
joldasyńdy saıla,
bóktergi men at dorbańdy baıla.
***
Jolǵa shyqpas buryn joldasyńdy saıla,
Úı salmas buryn kórshińdi saıla.
***
Jolǵa shyqsań jol azyǵyń mol bolsyn.
***
Jolǵa shyqsań joldasyńnyń júgi bolma, juby bol.
***
"Joldaǵy quıryqtan qoldaǵy ókpem artyq"
(Shákárim).
***
Jolda jatqan jantaqty alyp tasta, jolaýshyǵa kirmesin senen basqa.
***
Joldan adasý aıyp emes, jol júrmeý aıyp.
***
Joldasty jol aıyrady.
***
Joldasty jol tanytady.
***
Joldastynyń joly keń.
***
Jol jaman bolsa:
at ta súrinedi, atań da súrinedi.
***
Jol jarasty kóriner yldıymen, órimen,
Qol jarasty kóriner qolbasshy, batyr erimen.
***
Jol jolǵa jalǵasady,
El elge jalǵasady.
***
Jol júrgen jurtty jaıǵa jetkizedi.
***
Jol júrgen maı isher,
Úıde qalǵan qan isher.
***
Jol qadirin júrgen biledi.
***
Jol qýǵan qazynaǵa jolyǵady,
Sóz qýǵan pálege jolyǵady.
***
Jol maqsaty — jetý,
Qyz maqsaty — ketý.
***
Jolmen júrseń jortyp júr, jortyp júrseń jol óner.
***
Jol suramaı jolǵa túspe.
***
Jolshybaı býynǵan belbeý jolda sheshilip qalady.
***
Joly jaman jerge soqpaq túser.
***
Jolyńa jýa bitsin,
Sózińe dýa bitsin.
***
Jolyń alys bolsa atyńdy qınama.
***
Jón suraǵan kisi adaspaıdy,
Jol suraǵan kisi jańylyspaıdy.
***
Júrmesten buryn jolyńdy baıqa,
Kımesten buryn tonyńdy baıqa.
***
Kóp júrgen jer tanıdy,
Kóp qydyrǵan el tanıdy.
***
Kópti kórgen biledi,
Alysty júrgen biledi.
***
Qısyq bolsa da jol jaqsy,
Doly bolsa da qyz jaqsy.
***
Mezgilinde júrmeseń, merzimdi jerge jetpessiń (Qaıyp aqyn).
***
On adam júrgen jerde iz qalady,
Júz adam júrgen jerde — soqpaq,
***
Myń adam júrgen jerde — jol.
***
Óristi jol elge jetkizer,
Ózen, sý kólge jetkizer,
Soqpaq jolǵa jetkizer,
Jol molǵa jetkizer.
***
Tońǵan tonyn maqtaıdy,
Adasqan jolyn maqtaıdy.
***
Uly jol úı tabaldyryǵynan bastalady.
***
Shólde júrgen shól tanyr,
Jolda júrgen jol tanyr.
***
Shólmen júrseń jolmen júr:
jol bulaqty kólge aparady, kól qonysty elge aparady.