InfoHub Logo

Jomart kúz
Bilim berý salasy: Komýnıkasıa
Uıymdastyrylǵan oqý qyzmeti: Sóıleýdi damytý
Maqsaty: Balalarǵa kúz mezgiliniń ereksheligi týraly túsinik berý. Balalarǵa kúz syılyǵy, jemister men kókónister týraly túsinik berý men túster men pishinderdi ajyratýǵa úıretý. Oılaý qabiletin, sózdik qoryn damytý.
Qoldanylatyn kórneki quraldar: slaıd taqtasy.
Ádis - tásilder: kórsetý, túsindirý, suraq - jaýap.

Motıvasıalyq qozǵaýshylyq
Shattyq sheńberi:
Sálem deımiz kók aspan,
Sálem deımiz jer ana.
Sálem deımiz barshańa.

Uıymdastyrýshylyq izdenistik
Japyraqtar sarǵaıady,
Kún bulttanady.
Jańbyr jıi jaýady.
Qustar jyly jaqqa ushady.
Aıtyńdarshy, balalar,
Bul qaı kezde bolady? (kúz)

- Bir jylda neshe jyl mezgili bar?
- Qandaı mezgilder?
- Balalar qazir jyldyń qaı mezgili?
- Kúz mezgilinde neshe aı bar?
- Kúz mezgiliniń aılaryn ataıyqshy?

Qyrkúıek aıy Aızere

Meniń atym – Qyrkúıek. Kúzdiń birinshi aıymyn. Baılyqtyń, barlyqtyn aıymyn! Sender men týraly ne bilesińder?

Qazan aıy Gýlsezim

Meniń atym – Qazan. Jıyn-terimniń sońǵy aımyn! Eńbekqor eldi toı dýmanǵa keńeıtemin. Balalar mende qandaı merekelik kúnder bar?

Qarasha aıy Káýsar

Kúzdiń sońǵy aıy – Qarasha degen men bolamyn! Kúnniń sýyp, qystyń jaqyn ekenin esterińe salamyn. Qyrkúıek pen qazanǵa qaraǵanda mende qandaı erekshelikteri bar? Kim biledi!

Tárbıeshi:
Jaraısyńdar, balalar! Minekı sender Kúz aılarymen tanystyńdar.

- Apta kúnderi neshe kúnnen turady?
- Apta kúnderi qandaı?

- Búgin aptanyń qaı kúni?

- Balalar kúzdiń qandaı erekshelikterin bilesińder?

Tárbıeshi:

- Kúz mezgili. Altyn kúz, sary kúz, qońyr kúz dep atalady.
Balalar, bizge Altyn kúz qonaqqa keldi.

Altyn kúz:
Sálemetsizder me balalar! Búgin barlyǵyńyz keremet ádemi bolyp ketipsińder! Balalar, men senderge jumbaq alyp keldim, sony durys sheshseńder bárimiz birge oıyn oınaımyz. (Balalar jumbaqtyń sheshýin tabady).

Jumbaq.
Qyzyl, jasyl kemeler,
Sý betinde qalqıdy.
Soqsa eger salqyn jel,
Yrǵalady tolqıdy.

Qalyń kıim unatady,
Sheshindirseń jylatady.

Tárbıeshi:
Altyn kúz bizdiń balalarymyzdyń sizderge arnalǵan taqpaqtarymyz bar.

Sergitý sáti:
Káne, balalar men sendermen bı bılep jibereıik.

Oıyn: Jemister men kókónister
Sharty: Jemister men kókónisterdi ajyratý.

Altyn kúz.
Óte jaqsy balalar men endi keteıin. Kúz mezgilinen soń qys jaqyndap keledi. Kelesi jyly kúzde júzdeskenshe. Saý bolyńyzdar!

Refleksıalyq túzetýshilik Qorytyndy:

- Qonaqqa bizge kim keldi?
- bizder qandaı oıyn oınadyq?
- Jemister men kókónister qaı kezde pisedi eken?

Mańǵystaý oblysy, Túpqaraǵan aýdany,
"Aqbota"balabaqshasynyń tárbıeshisi
Alıeva Gúlmıra Dogdyrbekqyzy