InfoHub Logo

Bir túlki júzimge lyqa toıyp, baýdan shyǵyp kele jatady. Ony kórgen qasqyr:

          — Júzimdi qaıdan jediń? Aıtshy, men de jeıin. Aıtpasań, ózińdi jaıratamyn! – deıdi aqyryp.

          — Oıbaı, qaseke, quldyq, – deıdi túlki jylmańdap. — Senen nesin jasyraıyn, anaý baýdyń ishinde syqasyp tur. Júrińiz, ertip alyp baraıyn.

          Túlki sony aıtady da qasqyrdy ertip aparyp, ózine úırenshikti tesikten baýǵa kirgizip jiberedi.

          Qasqyr tańsyq bolǵan júzimine ábden toıyp, baýdan qaıta shyǵaıyn dese, álgi tesikten óte almaı, keptelip qalady.

          Muny kórgen túlki:

          — Qaseke, tym kórseqyzar ekensiń. Artyn oılamaǵanǵa sol kerek, – dep júre beripti.

          Baýǵa sý salyp júrgen adam tesikte keptelip jatqan qasqyrdy soǵyp alypty.

---