InfoHub Logo

Jıde – aǵashta ósetin ortasynda dáni bar jıdek. Jıde aǵashy óte tózimdi, shól, qurǵaqshylyq sekildi kóptegen sharttarda óse alatyn qasıetke ıe. Osy ereksheligimen álemniń kóp jerlerinde jáne elimizdiń barlyq óńirlerinde ósedi. Jıde aǵashynyń barlyq óńirlerde óse alýyn qamtamasyz etetin qasıeti, topyraqtaǵy azotty tamyryna sińirýi bolyp tabylady. Sondyqtan qum toqtatýda, ózen, aryq boıyn, qalany kógaldandyrýda paıdalanylady. Gúldegen kezdegi jupar ıisi jaǵymdy áser qaldyrady. Jıdeniń 40-qa jýyq túri bar.

Jıdeni tutynýdyń densaýlyq turǵysynan eshqandaı zıany joq, kerisinshe paıdasy aıtarlyqtaı kóp, ásirese ishek joldary men búırekke óte paıdaly bolyp tabylady. Jıdede E dárýmeni kóp bolady. Búıregi aýyratyndarǵa jıde jeýge keńes beriledi. Búırekter aǵzamyzdyń eń kóp jumys atqaratyn músheleriniń biri. Búırek zıandy zattardyń syrtqa shyǵarylýyn qamtamasyz etedi. Zıandy zattar búırekten ótetindikten adam jetkilikti mólsherde sý tutynbaıtyn bolsa, keıbir qaldyqtar qataıyp búırek tasyn qalyptastyrady. Búırek tasy óte qatty mazalaıtyn, emi qıyn aýrýlardyń biri. Al jıde, gúli, jemisi jáne dánimen qosa tolyqtaı búırek aýrýyna jaqsy áser etedi. Jıdeniń ózin jep tutyný paıdaly dedik. Sondaı-aq dáni men gúlin qaınatyp ishken jaǵdaıda búıreginde tasy barlarǵa jaqsy áser etedi. Sonymen qatar ishek joldary, asqazan aýrýlaryna óte paıdaly. Ásirese ish ótýine qarsy jaqsy kómektesedi. İsh ótýi de as qorytý júıesiniń keseli. İsh ótken kezde bir ýys jıdeni reńi azdap sarǵaıǵanǵa deıin sýǵa qaınatyp ishý kerek.  İsh ótýine qarsy jaqsy kómektesedi.    

---