InfoHub Logo

Han ár ýaqytta bir jerge jolaýshy shyǵaıyn dese, Jırenshemenen «mynany qaıtemiz, mynaý qalaı bolady?» dep keńes salyp, sonan Jırenshe qalaısha máslıhat jasasa da, til qabaı Jırenshe degenshe isteýge buıyratyn edi deıdi. Sonan bir kún han asyǵystaý bir jolaýshy shyǵaıyn dep óziniń qyzmetker adamdaryna:

— Jyldam ózimniń otyratyn arbama óńsheń qyzyl nardan alty qyzyl nar ákelip jegińiz! — dep buıyrypty deıdi. Sonan qyzmetkerleri jyldamdap alty qyzyl nardy ákelip jegip, han shyǵatyn esiktiń aldyna taman jaqyndatyp qoıypty deıdi. Sonan han qyzmetkerlerine
aıtypty deıdi:

— Baryńyz, Jırensheni shaqyryńyz, menimenen birge júrsin! — depti. Hannyń qyzmetkerleri az bolsyn ba, jalma-jan bireýi júgirip baryp:

— Aý, Jırenshe, han jolaýshy shyǵaıyn deb atyr, sizdi shaqyrady, kelsin, menińmenen birge júrsin dep aıtady, —  depti. Sonan Jırenshe aıtypty:

— Hannyń jekkeni ne? — depti. Shaqyra barýshy aıtypty:

— Keremet óńsheń qyzyldan alty nar jekkizip, ázirlep qoıdy, — depti. Sonan Jırenshe aıtypty:

— Bek hosh, qazir bararmyn, hanǵa sálem aıt, kún bult — qanatsyz bolmaıdy, hannyń qanaty joq, — depti. Sonan shaqyrýshy qaıtyp hanǵa aıtypty deıdi:

— Taqsyr, Jırenshege bardym, hanǵa sálem aıt, qazir bararym, kún bult — qanatsyz bolmaıdy, hannyń qanaty joq dep aıtady, — depti. Sonan han ushyp turegeldi de, qyzmetkerlerine aıtypty deıdi:

— Jyldam narlardy týaryp, jylqydan tulparlar ákelip jegińiz! — depti. Sonan qyzmetkerler jyldamdap tulparlardy ákelip jegip, ázirlep qoısalar, myna jaǵynan Jırenshekeń de kelip, hanmenen ekeýi arbaǵa minip, tulparlarmenen jónelipti deıdi. Bara jatqanda Allanyń ámirimenen qybyla betten bir qara bult jańbyr tógipti de salypty deıdi. Jer batqaq, sabyr tulparlar jaryqtyq qaıǵyrsynyp, batqaqty kesip, ásheıin-aq kúsh bermeı, sydyrtyp alyp baratyr deıdi. Sonda Jırenshe turyp aıtypty deıdi:

— Jylqy — maldyń patshasy, túıe — maldyń qasqasy, — depti deıdi. Túıe malynyń mynadaı batqaq jáne qaıǵaqtarda júrýge qıyn bolatuǵyn, soǵan qarap aıtqan sózi bolady shamasy.

---