InfoHub Logo

Bir kúni han Jırensheni shaqyryp:

— Jerdiń túbi qaıda, sony bilip kel! — depti. Sonan Jıren shekeń:

— Bas taqsyr! — dep atyna minip, jerdiń túbi sen qaıdasyń dep jerdiń túbin izdeýge ketipti deıdi. Sonan biraz kún júrip, hannyń qasyna qaıtyp kelipti deıdi. Han aıtypty deıdi:

— A, Jırenshem, aman-saý keldiń be, jerdiń túbi qaıda baryp toqtaıdy eken, bildiń be? — depti. Sonan Jırenshe aıtypty:

— Han taqsyr, jerdiń túbi alys emes, jaqyn eken. Jeti taý asqasyn balyqty kólge baryp toqtaıdy eken, — depti. Qazaqtyń qarttary aıtady Jırensheniń jeti taý degeni — jeti qabat jer, sý ústinde turady eken, Jırenshe sony aıtypty deıdi.

---