InfoHub Logo

Jırensheniń áıeli ólip, áıel kórip júrip bir shaldyń qyzyna kezdesedi. Bir qarasha úıdiń aldynda bir qyz shyǵyp tur eken. Qyzdyń ústinde qyzyl matadan kóılegi bar eken. Kóılektiń úshkili aq mata eken. Qyzdyń aýzy úlkendeý eken.Jırenshe jolyǵyp turyp:

— Myna úıdiń shańyraǵynyń úlkenin-aı, — depti. Qyz:

— Úlken bolsa, tútini túzý shyǵar, — depti. Jırenshe:

— Bir aq qoltyq qyzyl qashar qarap júr edim, — depti.

Qyz:

— Ony men kórdim. Mana qudyq basynda bir kártik muryn qara buqa artyn ıiskep tur edi, — depti.

Jırenshe: «Sol qyzdyń úıine baryp, ákesimen sóılesip kel» dep bir kisi jiberipti. Qyz jalǵyz ózi úıde shashyn jýyp otyr eken. Kisi kirip barǵanda qyz:

— Túńǵulaq kisiniń atasyna nálet, — dedi depti. Jibergen kisi túsinbepti. Jırenshe:

— Úıinde ıt joq eken ǵoı, — depti.

— «Ákeń qaıda ketti?» — dep edim, — «aǵash qazan qaınatýǵa ketti» — dedi.

Jırenshe:

— Ákesi nasybaı ýqalaýǵa ketken eken, — depti.

— «Shesheń qaıda?» dep edim. «óli men tiriniń arasyna ketti», — dedi. Jırenshe:

— Týa almaı jatqan áıelge ketken eken ǵoı, — dedi.

— «Aǵań qaıda?» dep edim, «segiz aıaqtymen ańǵa ketti» dedi.

Jırenshe:

— Býaz bıemen ketken ǵoı, — dedi.

— «Jeńgeń qaıda?» — dep edim, «kóp bolsa da tutbeske ketti» dedi.

Jırenshe:

— Otynǵa ketken ǵoı, — dedi.

---