InfoHub Logo

Kembrıdj ýnıversıteti – Eýropadaǵy iri ǵylymı ortalyq, ejelgi ýnıversıtetterdiń biri. 1209 j. Ulybrıtanıada London qalasynan soltústikke qaraı 80 km jerde ornalasqan Kembrıdj qalasynda qurylǵan. XIII ǵasyrdyń ózinde Kembrıdj ýnıversıtetinde 4 fakúltet boldy: gýmanıtarlyq, zań ǵylymy, dintaný (teologıa), medısına. XVII ǵ-da Kembrıdj ýnıversıteti iri ǵylymı ortalyqqa aınaldy. 1669 – 1702 j. I.Núton Kembrıdj ýnıversıtetiniń profesory boldy. 1837 j. Kembrıdj ýnıversıtetinde Ch.Darvın magıstr ataǵyn alǵan. Kembrıdj ýnıversıtetiniń ózindik ereksheligi – kúni búginge deıin óziniń ortaǵasyrlyq qurylymyn saqtaǵan. Jańa tıpti ýnıversıtetterden Kembrıdj ýnıversıtetiniń aıyrmashylyǵy – ol jeke kolejderden turady. Búginde ýnıversıtette 29 kolej bar. Onyń árqaısysynyń óz kitaphanalary jumys isteıdi. Ár kolejde ár túrli fakúltetterden 300 – 400 stýdent oqıdy. Ýnıversıtetti joǵary bilikti qyzmetkerlerden taǵaıyndalatyn kansler basqarady. Kembrıdj ýnıversıtetitinde 600-den astam ǵyl. qyzmetker men oqytýshylar jumys isteıdi. Ýnıversıtet 25 mamandyq boıynsha ǵylymı ataq beredi. 2000 – 2001 jyldary Kembrıdj ýnıversıtetiniń barlyq kolejderinde 16 myń stýdent jáne 400 biriktirilgen topta aspıranttar oqydy. Kembrıdj ýnıversıteti ǵalymdarynyń ǵyl. jańalyqtary 60 Nobel syılyǵyna ıe bolǵan.

Kembrıdj ýnıversıteti tek Anglıanyń ǵana emes, sonymen qatar, álemniń eń kóne joǵarǵy oqý oryndarynyń biri. Munda oqyǵandarǵa mansap jolynda da, joǵary aılyqty qyzmet jaǵynan da shekteýsiz múmkindikter berilgen. Atalǵan oqý ornynan 15 aǵylshyn premer-mınıstri, álem elderiniń 23 kóshbasshysy, Úndistannyń 3 premer-mınıstri, Danıa patshaıymy II Margreta oqyp shyqqan. Álemdik QS World University Rankings reıtingisi atalǵan ýnıversıtetti 2010 jyldyń eń úzdik joǵary oqý orny dep tanydy. Tipti, óziniń basty qarsylasy sanalatyn Garvard ýnıversıteti de qalyp qoıdy. Jekelegen salalar boıynsha Oksford, Garvard oqý oryndaryna ústemdik bergenmen, jalpy salalar boıynsha eń úzdik bolyp sanalady. Álemniń 15000 myńnan astam ǵalymdary Kembrıdj ýnıversıtetin ǵylymı zertteý joǵary dárejede júrgizetin kóshbasshy oqý orny dep tanydy. Eki jyl qatarynan jaratylystaný ǵylymdary salasynda kósh bastasa, Arts & Humanities bólimi boıynsha tek Oksford ýnıversıtetin alǵa jiberdi, al medısına salasy boıynsha Garvardtan qalady. Social Sciences bóliminde – úshinshi bolsa, Technology & Engineering-da álemde 4 orynda.

---