InfoHub Logo

Kishkentáı kezim. Jumystan sharshap kelgen anam ákemniń aldyna qýyrylǵan jumyrtqa men jartylaı kúıip ketken qarma nandy qoıdy. (qarma nandy úıde ózi pisiretin). Ákem anamnyń júzine jymıyp qarap qarap qoıyp, kúıgen qarmany maı jaǵyp, birtindep aýzyna salyp otyrdy. Menen sabaǵymnyń jáıin surady. As iship, dastarqan basynan tura bergenimde anam ákemnen qarmany kúıdirip alǵanyna keshirim surady. Sonda ákemniń bar aıtqany: "Janym-aý, men kúıgen qarmany jaqsy kóremin ǵoı", - degen sóz boldy. Jatar aldynda ákemniń qasyna baryp betinen súıdim de: "Áke! Siz shynymen de kúıgen qarmany jaqsy kóresiz be?", - dep suradym. Sol kezde ákemniń meni qushaǵyna alyp aıtqan myna bir sózderi máńgi esimde qalyp qoıdy: "Seniń anań kúnde jumysqa barady. Úıge sharshap keledi. Onyń ústine az ǵana kúıgen qarmanyń eshqandaı zıany joq. Sosyn men de barlyq jumysty birden kemshiliksiz atqara almaımyn ǵoı. Keıde men de qatelesemin. Sol sebepten bir-birimizge keshirimmen qarap, qatelesse, kóńilin aýlaýymyz qajet" - dedi.

---