InfoHub Logo

...Qyrǵyz ben qazaqtyń arasynda kelissóz júrgizip, bitim jasap qaıtýǵa Bógenbaı qart qyrǵyzǵa barady.

«Qyrǵyz-qazaq beker jaýlaspaıyq!» — deıdi Bógenbaı. Ol kelgen soń, bata qylý úshin qyrǵyzdar aıshyq múıiz kók qoshqardy alyp keledi. Bógenbaıdyń aıtqan batasy: «osy kelisimdi kimde-kim buzsa, osy kók qoshqardaı baýyzdalsyn», — depti.

Qaıtyp kelip Kenesaryǵa aıtqanda, Bókege aıtqany:

— Bóke, qartaıǵan ekensiń, meniń kútken kelisimim bul emes edi ǵoı. Bókeń:

— Á, solaı ma? Á, qartaısam, qartaıǵan shyǵarmyn. Tórege ergen er-toqymyn arqalaıdy degendeıin, endi qalǵan arǵyn-qypshaqty osylaı etkiń keldi me? — dep, etegin úsh qaǵypty. Al, endi maǵan eretin arǵyn-qypshaq, maǵan erińder, tórege ergenderiń osy jerde qalyńdar! — dep shyǵyp ketedi.

Sonda Keneniń áıeli Kúnimjan:

— Álgi qart qaınaǵa etegin úsh qaqty-aý, baıqadyńyz ba, renjitpeseńiz jaqsy bolar edi, — deıdi. Kene:

— Ýaı, aljyǵan qartty qoı! — depti.

Osy sózdi esitken arǵyn-qypshaq Bókeńniń sońyna erip ketipti.

Osydan keıin Keneniń isiniń ońbaýyna, jeńilýine sebep bolǵan osy deıdi.

Oqýǵa keńes beremiz:

Jalbyr batyr (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---