InfoHub Logo

Osy jaǵdaı on-jıyrma jyl bolǵan shyǵar, esimnen ketpeıdi. Zaman mynaý, aldaý arbaý. Árıne bul jaǵdaılardy biz oıdan shyǵarǵan joqpyz. Ol, ol- aldaý, ótirik aıtý, urlyq, zombylyq pen zorlyq Adam-Ata men Haýa –Ana jerge túskennen bastalǵan desedi... Esterińizde me? Jastyq shaq, mektep aýlasy, balalar, týǵan aýyl kelbeti, muǵalimder, mektep dırektory... Biz, synyptastar jınalyp, qońyraý shalǵanda, ýlap-shýlap, dalaǵa lap berip, bir-birimizdi qaǵyp-soǵyp, qurby-qyzdardyń syńǵyrlaǵan kúlkisine aralasyp, uldardyń sekirip-sekirip, bir-birine ottaı janǵan kózderin tirep, alysa ketetini... Muǵalimniń kitaptar men jornal, dápterlerdi qushaqtap, jyly júzine aralas bizdiń bolashaǵymyzdy oılap, alystap baratyny... Shirkin-aı, áli esimde. Sonda, muǵalimniń alyyys, alys, bıik taýlarǵa qarap, sodan bizdiń kózimizge asqan bir meıirimdilikpen nuryn tógip, sol taýlardy bizdiń kózimizden izdeıtin. Uzaq qaraıtyn. Sodan jymıyp qana, shashymyzdan sıpap, keıde óziniń qyzyqty jáıtterin bizge aıtyp berip, bizben birge shattanyp, balasha kúletin. Keıde betin basyp alyp kúlgende, biz dál sol ustazymyzdyń qurby-qurdasyndaı bop ketetinbiz. Beti ottaı qyzyp, áppaq jaǵaly kóılegi, erekshe uqyptylyqpen órgen shashy, súırikteı saýsaǵy, ádeppen ustaǵan kitaby, bári-bári biz úshin, erekshe bir artyq-kemi joq qaıtalanbas tulǵa edi! Soool kúnderdiń birinde, bizdiń klass oqýshylary, «Meniń atym Qoja» fılmindegi Qojaǵa uqsap, biriniń portfeline baqa salyp, birine oıynshyq salyp, al bireýi eń alǵashqy sezimge toly, kishkentaı ǵana paraqqa jazǵan sezim sýretteri.... Bári-bári esimde! Birde bizdiń klass oqýshylary «A» esimdi oqýshynyń sýmkasyna kirpish salyp jibergen ǵoı. Oılańyzshy, bir úlkeen kirpish. Salmaǵy qandaı!? Sýmkasynyń aýyrlyǵyna mán bermeı, «A» úıine tarta beredi. Jarty jolda «nege bul sýmka aýyrlap ketti eı» dep, ashyp qarasa.... . Úlkeen kirpishti biraq kóredi. Basqa bireý bolsa, laqtyryp kete berer edi-aý! Nemese ata-anasyna aıtyp, mektepti shýlatar ma edi? Al ol bolsa, kirpishti qolyna alyp, tazalap, súrtip, sýmkasyna qaıta salyp mektepke qaraı bet túzeıdi. Mektepte alysyp, áli úılerine qaıta qoımaǵan oqýshylar «A»-nyń búl kelisin qyran-topan kúlkimen qarsy alady. Árıne jamyrasyp kúlip, qoldaryn shoshaıtyp mazaqtap, bilgenderin istep kúledi. Al «A» bolsa kishkentaı ǵana tońyp qalǵan qoldarymen eshkimge alańdamastan, jańaǵy kirpishti sýmkasynan asyqpaı alyp shyǵady. Toptyń arasynan bir oqýshy shyǵyp, «Seniń esiń durys emes, myna ájethananyń túbinen taýyp alǵan kirpishti qaıta alyp kelgen sen naǵyz mısyz ekensiń » degende, «A» – «Joq, bul kirpish osy mekteptiń bir buryshyna qalanar nemese bir keregine jarar» dep, ýıine qaraı bet túzeıdi. Qanshama jyldar ótti, osy oqıǵa áli esimde. Ol, osy qalada. Osy Jezqazǵan qalasyndaǵy eńseli bir mektepte sabaq beredi. Sol janary, sol taza júregi, sol taza peıili! Sol baıaǵy biz ańsaǵan, biz qurmettegen, biz súıgen, biz bıik sanaǵan ustazdarymyzdyń jaıǵan qanatynyń qatarynda! Ol, biz úlgi tutqan ustazdarymyzdyń sımvolyna aınaldy. Ol –shyn Adam! Ol, shyn Ustaz! Ótkende qarasam, qolynda bir «shlakoblok», taǵy sol mektepke qaraı ketip barady... Uly Abaı aıtpaqshy «Sen de bir kirpish dúnıege, ketigin tap ta bar qalan»! «A» esimdi keıipker týraly taǵy bir oqıǵa, kelesi de...

Estelikti óńdep jazǵan: Musabekov Aıhan Qasqanuly

Jezqazǵan qalasy "ÓNER MEKTEBİ" ustazy

---