InfoHub Logo

Kitap adam balasynyń san ǵasyrlyq aqyl-oıynyń jemisi, tarıhy men taǵylymynyń altyn sandyǵy. «Kitap degenimiz - aldyńǵy urpaqtyń artqy urpaqqa qaldyrǵan rýhanı ósıeti. Kitap oqýdan tyıylsaq, oı oılaýdan da tyıylar edik», - degen edi Ǵabıt Músirepov.

Kitap tańdap, talǵap oqı bilý, ony túsiný men túısiný, alǵan áserdi ómir qajetine jarata bilý - árbir adamnyń biligi men bilimin, paıymy men parasatyn aıqyndaıtyn alǵy sharttardyń biri. Ótken zamandardyń tuńǵıyq tereńinen syr shertetin tarıhty da, ádebıetti de, basqa ǵylym keremetterin de kitaphanadan tabamyz. Osyndaı asyl qazynany oqý qazirgi kezde múldem tómendep ketti. Shekspır «Kitap maǵan taqtan da qymbat», - dep atap kórsetkendeı, órkenıetti qoǵamnyń basty tiregi – bilimde, al bilimniń kilti – kitapta. Bundaı oıdy erteden bilgen el bıleýshiler men patshalar, ǵalymdar óz zamannyń ózinde bılik qurǵan memlekette áýeli kitap oqý jáne kitaphana isin órkendetýge erekshe nazar aýdarǵanyn baıqaýǵa bolady. Onyń jarqyn úlgisi – búginge ańyz bolyp jetken álem keremetteriniń biri – Mysyrdaǵy Aleksandrıa kitaphanasy bolsa, ekinshisi – túrki halyqtaryna ortaq qundylyq – kóne Otyrar kitaphanasy. Odan bólek te talaı dáýirdiń kemeldenýine qyzmet etip kele jatqan kitaphanalar sanynda shek joq. Zaman damyǵan saıyn, adamzat balasy kemeldikke umtylǵan saıyn kitap pen kitaphanalardyń róli men mańyzy, qundylyǵy arta túspesedi. Óıtkeni, uly fransýz jazýshysy hám fılosofy Denı Dıdro aıtpaqshy, adamzat kitap oqýyn qoıǵan kúni, oılanýyn da toqtatady.

Ál-Farabı atyndaǵy Qazaq ulttyq ýnıversıtetiniń Qazaqstan tarıh kafedrasynyń Tarıh-geografıa mamandyǵynyń 1- kýrs magıstranttary kýrator edvaızer Qozǵambaeva Gúlnar Bestibaıqyzymen birge 13-aqpan kúni halyqaralyq kitap syılaý kúnine oraı «Kitap-bilim bulaǵy» atty tárbıelik is-shara ótkizdi. İs-sharanyń barysynda Qozǵambaeva Gúlnar Bestibaıqyzy sóz sóılep, artynsha top stýdentterimen birge ózderiniń oqyǵan kitaptarymen bólisip, qyzyqty maǵlumattarttarmen tanystyrdy. Sonymen qatar, Tarıh-Geografıa mamandyǵynyń 1 kýrs magıstranttary Qarpyqova Toǵjan, Muratov Erbulan ortaǵa shyǵyp stýdentterge kitap týraly vıktorına uıymdastyryp, top stýdentteriniń taraptarynan suraqtarǵa jaýap berilgen bolatyn. Vıktorınanyń nátıjesinde top stýdenti - Shaıdozym Nurmuhammed jeńiske jetip, ataqty jazýshy Vıktor Franklınnyń «Ómirden mán izdegen jan» degen kitaby syılyqqa tartyldy. Osy tárbıe is-sharanyń barysynda stýdentter rýhanı baıyp qana qoımaı, kitapqa degen mahabbattary odan saıyn arta tústi desekte bolady.

Mine, kitap oqýǵa yntalandyratyn osyndaı tárbıe is-sharalar bizde jappaı qolǵa alynýy kerek. Ol úshin Kitap kúni, sonyń ishinde Qazaq kitabynyń kúni jarıalanyp, oǵan kúlli qoǵam belsene aralassa, mádenı, rýhanı damıtyn adamdardyń sany da meılinshe tolyǵatyny anyq.

Ál-Farabı atyndaǵy QazUÝ

Profesor m. a. Qozǵambaeva G.B

Tarıh fakúltetiniń 1 kýrs magıstranty Manıkova A. A.

 

 

 

 

 

---