InfoHub Logo

Qasıetti ramazan aıyna da aman-saý jettik. Ramazan aıy shúkirshilik aıy,sabyr aıy jáne taqýalyq  aıy. Ulyq aıǵa aman-esendikpen jetkenniń ózi úlken nyǵmet. Jaratqan Iemiz barshamyzǵa osy aıdaǵy jaýapkershilikti laıyqty túrde atqarýǵa medet berip, járdem etkeı.

Burynǵy musylmandar osynaý múbárak aımen qımaı qoshtasyp, al kelesi jyly quddy qyryq jyl kórmegen qonaǵyn kútkendeı qushaq jaıa qarsy alady eken. Óıtkeni bul aı árbir janǵa meıirimniń bir synyǵyn syılaıtyn saýaby mol maýsym. Endeshe sol úmbettiń jalǵasy bolyp tabylatyn keıingi urpaq biz de Uly Rahmannan ulyq ramazan aıynyń berekesin tileımiz. Meıirim maýsymynyń ısi musylmanǵa ıgilikti bolýy adam balasyna berilgen úlken syıdyń biri. Oraza-Alla men adamnyń arasyndaǵy rıasyz qulshylyq,tek Rabbymyzdyń razylyǵyn kózdeıtin ulyq ǵıbadat. Ramazan-rýhanı jańarý aıy. Allanyń adam balasyna berilgen sheksiz nyǵmeti,teńdessiz syıy sanalǵan oraza-kúnáǵa betpe-bet kelýden saqtaıtyn,minez qulqymyzdy,rýhanı dúnıemizdi jaqsylyqqa tárbıeleıtin,rýhanı túlep,tazaratyn aı. Iman joly sabyrlyq pen taqýalyqty talap etedi. Al,oraza naǵyz,shynaıy taqýalyq pen sabyrlyqqa jeteleıdi. Dál osy saýaby mol aıda Dintaný jáne Mádenıettaný kafedrasy men “Nur” klýby birlese otyryp stýdentter men múmkindiligi shekteýli jandarǵa aýyz ashar uıymdastyryldy. Aýyz ashar barysynda stýdentter arasynda,dinı baǵyttaǵy kóptegen saýaldar qoıylyp,jaýabyn tapqan qonaqtarǵa dinı baǵaly zattar berildi. Saýaldar barysynda Islamnyń sharttary men Ardaqty Paıǵambarymyz Muhammed (s. a. s) ómirbaıanynan saýaldar qoıyldy. Aýyz ashardan keıin stýdentter «Rýhorda» dinı mádenı medresesimen jáne murajaımen tanysty. Murajaıda myńjyldyq tarıhy bar kitaptar men qundy zattardy tamashalap qaıtty. Osyndaı saýaby mol keshti uıymdastyrǵan kafedra meńgerýshileri men ustazdarymyzǵa jáne aýyz asharǵa uıytqy bola bilgen,murajaıdyń jetekshisi, aǵa oqytýshy Júzeı Myrzahmet ustazymyzǵa erekshe alǵysymyzdy bildiremiz.

Ál-Farabı atyndaǵy Qazaq ulttyq ýnıversıteti 

Dintaný jáne Mádenıettaný kafedrasynyń 3-kýrs stýdenti Oljahan Shuǵyla

Jetekshi:aǵa oqytýshy,phD doktor Muqan Nurzat.

---