InfoHub Logo

Kitap – bilim bulaǵy
(Ashyq tárbıe saǵaty)
Maqsaty: oqýshylardy kitapty súıýge, ony oqýǵa, taza ustaýǵa tárbıeleý. Kitaptyń shyǵý qalyptasý tarıhy jaıly túsinikterin, bilimge degen qushtarlyǵyn oıatý. Kitaptyń adam ómirindegi asa mańyzdy rolin túsindirip, oqýshylardyń kitapqa degen qyzyǵýshylyqtaryn arttyrý. Aqyn - jazýshylar jaıly keńirek maǵlumat bilýge yqpal etý. Aqyl, oı - órisin damytý.
Barysy:
Qurmetti ustazdar men oqýshylar! Búgingi «Kitap - bilim bulaǵy» atty ashyq tárbıe sabaǵymyzǵa qosh keldińizder!
«Kitap - ǵylym, tilsiz muǵalim»dep tegin aıtpaǵan. Búgingi sabaǵymyz bárimizdi bilimdi, ónerli bolýǵa tárbıelep talaı ǵajaıyp isterdiń qupıasyn ashýǵa kómektesetin aqyldyń keńi kitapqa arnalady.

Kitap alma aǵashy,
Jemisin bizder teretin
Tátti almaǵa balashy
Kitabyńnyń ár betin dep Muzafar Álimbaev atamyz jyrlaǵandaı, ádebı kitaptarmen oqýlyqtar - bilim kózi, rýhanı qazyna. Biz kitap arqyly bastaýysh synyptyń ózinde – aq búkil adamzat ómirimen tanysamyz.
1 - oqýshy:
Ǵylym syryn bilsem dep,
Kókte kún bop kúlsem dep
Kitap oqyr ár bóbek.
2 - oqýshy:
Elimizde ataqty,
Ǵalym ata ne tapty
Bárin, bárin bilesiń,
Oqı berseń kitapty.
Bilim alar kóp adam,
Jaqsy nárse joq odan
Qyzyǵa kep oqımyn,
Kitap kórsem jańadan.
Kitap maǵan unady,
Kitap - bilim bulaǵy.
Kitap bilimimizdi molaıtady, kitaptan kóp úlgi – ónege men tárbıe alamyz. Oqyǵan – toqyǵanyń kóp bolsa, jeńbeıtin jaý alynbaıtyn qamal joq. Dana halqymyz: «Batyr birdi, bilimdi myńdy jyǵady»,- dep aıtpasa kerek. Kitap zamanymyzdyń ómiri. Ol kárige de, jasqa da qajet. Biz kitappen kún saıyn kún saıyn kezdesemiz. Kitap adamnyń dúnıetanymyn keńeıtip, rýhanı dúnıelerdi oıatyp, ertegi, áńgimelermen syr shertisken - kitap eń jaqyn aqylshymyz.
Olaı bolsa balalar ortamyzǵa kitapty shaqyraıyq.
Kitap: Balalar, men bilim kózi - kitappyn. Meni jasaý úshin adam balasy kóp eńbek sińiredi. Aldymen adam ormannan aǵash kesedi. Ony fabrıkaǵa aparady. Fabrıka ol aǵashtardan qaǵaz shyǵarady. Sodan soń avtorlar jazady, sýretshi aǵaılar sýret salady. Baspahana sýretter men jazýlardy jazyp shyǵarady.
Kitap, endeshe sen búgin bizde qonaqta bolyp, balalardyń ónerin tamashalap qaıt.
3 - oqýshy:
Adamnyń dosy kitap, ómir kilti,
Teń kelmes oǵan jıǵan múlki.
Aqylshy janǵa serik, jol bastaýshy,
Aqyl oı qazynasy ómir kórki
Turady basyp qurap árip neden
Bastalǵan bilim basy álippeden.
Qarasaq shalqar teńiz, túpsiz muhıt
Oqysań kitap syryn ashyp tereń.
Qazaqstan azamattary bilimdi, mádenıetti jáne ónerli bolýy kerek. Ol úshin tereń bilim, ǵylymı jańalyqtar, ótke tarıhymyzdy, ónerimizdi bilý úshin kitappen tynymsyz eńbek etedi.
Aldaryńyzda oqýshy men kitap aıtysy