Kókshetaýda jynystyq sıpattaǵy ádepsiz áreket jasaǵan er adam ustaldy
Kókshetaý qalasyndaǵy Qopa kóliniń jaǵalaýynda mas kúıde júrgen er adam qoǵamdyq orynǵa tán emes qylyq kórsetip, jergilikti turǵyndardyń narazylyǵyn týdyrdy. Bul týraly oqıǵa kýágerleri áleýmettik jelilerde habarlady.
Olardyń aıtýynsha, 5 shilde kúni kól jaǵasynda shomylyp júrgen azamat aınalasynda júrgen qyzdarǵa qarata beıádep sózder aıtyp, jynystyq múshesin kórsetken. Demalýshylar dereý polısıaǵa habar berip, quqyq qorǵaý organdary er adamdy sol kúni ustaǵan.
Aqmola oblystyq polısıa departamentiniń málimetinshe, quqyqbuzýshy mas kúıde bolǵan. Oǵan qatysty QR Ákimshilik quqyqbuzýshylyq týraly kodeksiniń 434-baby («Usaq buzaqylyq») boıynsha ákimshilik is qozǵaldy. Sot sheshimimen oǵan aıyppul salyndy.
Qoǵamdyq oryndardaǵy mundaı áreketter azamattardyń tynyshtyǵyn buzyp qana qoımaı, moraldyq turǵyda da teris áser etetinin eskertken tártip saqshylary turǵyndardy osyndaı jaǵdaılarǵa beıjaı qaramaı, dereý tıisti organdarǵa habar berýge shaqyrdy.
You Might Also Like
-
Ázerbaıjanda orys tilinde bilim beretin mektepterdiń jabylatyny týraly málimet áleýmettik jeliler men messendjerlerde tarap, jurt arasynda qyzý talqy týdyrdy. Bul týraly “Adyrna” ulttyq portaly Oxu...
-
Qazaqstan halqy 20 mıllıonnan asty – demografıalyq ósim jalǵasýda,-dep habarlaıdy Infohab tilshisi.
