InfoHub Logo

Shildeniń alǵashqy jeksenbisinde elimiz Ulttyq dombyra kúnin atap ótti. Bul — qazaqtyń rýhanı baılyǵyn ulyqtap, ult bolmysynyń ózegine úńiletin mereıli kún.

Qasıetti dombyra — halqymyzdyń tarıhy men taǵdyryn jetkizgen, tektiliktiń tańbasyndaı bolyp urpaqtan urpaqqa amanattalǵan ulttyq mura. Osyǵan oraı Ordabasy aýdanynda «Jastar rýhy» uıymynyń belsendileri turǵyndar arasynda áleýmettik saýalnama júrgizip, dombyranyń qazirgi qoǵamdaǵy mańyzy týraly pikirlerdi jınady. Sondaı-aq ulttyq aspapty nasıhattap, jastarǵa rýhanı qundylyqtardy dáripteýge baǵyttalǵan túsindirý jumystaryn uıymdastyrdy.

Uıymdastyrýshylardyń aıtýynsha, mundaı is-sharalar arqyly ulttyq sananyń jańǵyrýyna, dástúrli ónerdiń qaıta jandanýyna jol ashylady.

Dombyra úni ár shańyraqtan estilip, ult rýhanıatynyń shamshyraǵyna aınala bergeı!