InfoHub Logo

«Kóktem sáni» sahnalyq qoıylym.

Maqsaty: Sahnalyq qoıylym jasaý arqyly oqýshylardy shyǵarmashylyqqa baýlý.
Mindetteri:
1) Oqýshylardyń mátindi durys uǵynyp, óz oılarymen tolyqtyrýǵa, mátindi mımıkamen jetkize bilýge úıretý;
2) Oqýshylardyń ártistik, jaýapkershilik qasıetterin damytý;
3) Uqyptylyqqa, tıanaqtylyqqa, shyǵarmashylyqqa tárbıeleý.
Synyptan tys sharaǵa 3 «á» klass oqýshylary qatysady.

Ótilý barysy:
1. Partada oqýshylar otyrady.
Muǵalim:
- Balalar, qazir qandaı mezgil? Qystyń bitýine neshe kún qaldy? Qys bitken soń qandaı mezgil bastalady?
- Kóktem.
Kóktem mezgili qandaı óleń jattadyq?
«Jazǵytury» óleńin mánerlep oqıdy.
Muǵalim: Balalar kóktem mezgili nesimen unaıdy?
Oqýshylar óz oıyn aıtady.
Muǵalim: Balalar osy taqyrypty ormandaǵy ańdar da talqylap jatyr eken. Endeshe ańdardy tyńdaıyq!
Sahnada ártúrli ańdar uıyqtap jatady. Jáı mýzyka oınalady. Áteshtiń shaqyrǵan daýysy estilip, tań atady. Ańdar birtindep kerilip, esinep tura bastaıdy. Bári birdeı mýzykaǵa qosylyp tańǵy jattyǵý jasaıdy. Sosyn árqaısysy óz sharýasyn jasaı beredi.
Bir kezde ań patshasy – arystan oıanady. Keriledi, sozylady, jan - jaǵyna qarap kóktem kelbetine tamsanady. Sodan soń jan - jaǵyna qarap kómekshisi jolbarysty izdeı bastaıdy. Jolbarysty bylaı dep shaqyrady:
- Áı, jolbarys beri kel,
Ańdardyń bárin erte kel.
Olarǵa qoıar suraq bar,
Muqıat báriń tyńdap al!
Jolbarys júgirip júrip barlyq ańdarǵa jar salady:
- Áı, jarandar, jarandar!
Maǵan qaraı qarańdar!
Ań patshasy arystannyń
Bárińe qoıar saýaly bar.
Barlyq ańdar jınalyp, birtindep arystanǵa sálem berip jınala bastaıdy.

Arystan:
- Armysyńdar, jandarym!
Barmysyńdar, ańdarym!
Senderge qoıar saýal bar
Muqıat maǵan qarańdar!
Kún uzaryp, jylydy,
Kóktem keldi dalama.
«Kóktem sáni» degen ne?
Saýalym bar barshańa!
«Kóktem sáni?!»dep janýarlar bir - birine tańyrqaı qarasady da, óz oılaryn aıta bastaıdy.

Aıý - Arsen: Kóktem sáni - altyn kún,
Jarqyraıdy jarqyn kún!
2. It - Erkebulan: Kóktem sáni – shubar bulttar,
Sol bulttardan jańbyr jaýar.
3. Túlki - Symbat: Kóktem sáni degenimiz - gúl taqsyr!
Gúldeı jaınap júreıikshi, biz, taqsyr!
4. Mysyq - Nazerke: Kóktem sáni - jasyl jelek,
Sol jelekte júrmiz bılep.
5. Qoıan - Kamıla: Kóktem sáni - aǵashtar,
Aýamyzdy tazartar!
6. Aq aıý - Qaırat: Kóktem sáni - qustar ǵoı,
Án salady sharyqtap.
7. Aıbar:
Kóktem sáni - ol naýryz merekesi,
Qazaǵymnyń keltirer berekesin!
8. Jylan, qoı - Amına, Baýyrjan:
Kóktem sáni - jańa týǵan tólder ǵoı,
Óristerde júgiredi saıran sap.
9. Jylan - Nurjanbek: Kóktem sáni - tamshylaǵan jańbyrlar,
Jerimizdi kók shópterge toltyrar.
10. Qoıan - Dana, Janarý:
Kóktem sáni - móldir sý,
Qumaryńdy qandyrar.
Barlyq janýarlar aıtyp bolǵanda tek bulǵyn ǵana úndemeı turady. Arystan oǵan qarap:
- Aý, bulǵyn batyrym,
Bári aıtty óz oıyn.
Sende aıtar sóz joq pa?
Qane, sen de sóz basta!
Bulǵyn jan - jaǵyna qarap alyp:
- Aý, han ıem, ne deıin,
Qarap turmyn tańyrqap.
Áne kún tur jarqyrap,
Áne gúl tur jaıqalyp
Qarasam kóz toımaıdy.
Sýyń, nýyń, hosh ıis
Bárin qossań sol durys.
Kóktem sáni sol bolady.
Kóńiliń nurǵa tolady.
Barlyq janýarlar: «Durys, durys!» dep shýlasady.
Arystan: Durys aıttyń, bulǵynjan!
Kóktem sáni osylar!
Barlyǵy aınalyp, bı bılep qýandy.
Muǵalim: Sálem, kóktem,
Órnek qandaı sý salǵan,
Jasyl qyrat - jasyl saǵym býsanǵan.
Jas shaǵymda jıi aǵatyn juldyzdyń.
Jupar ısin juta berem jýsannan.
Mine, balalar, adamdar da, jan - janýarlar da kóktemdi asyǵa kútedi. Kóktem mezgilin jaqsy kóredi. Kóktem kelgende týǵan jerimiz de qulpyryp ketedi.
Endeshe týǵan jerimizge kóktem kele bersin degen nıetpen «Týǵan jer – altyn besigim» atty ánmen búgingi sabaǵymyzda qorytyndylaıyq!