InfoHub Logo

Kólikterdegi logotıpter jaı ǵana dızaınerlerdiń oılarynan shyǵarǵan týyndylary emes. Ár emblema – kompanıa ıesine mańyzdy bolǵan dástúrler men jaıttardy beıneleıtin kóp jyldyq eńbektiń ózindik bir nátıjesi.

Avtokólikterdi ejelden emblemalarmen jáne músinshelermen bezendiretin. Bul jaltyraýyqtarǵa bala-shaǵa ósh, julyp ketedi. Ár emblemanyń óziniń qupıasy, shyǵý tarıhy bar. Radıatoryńyzdy bezendirip turǵan venzel qalaı paıda bolyp jáne bir ǵasyr aldyn qandaı bolǵanyn bálkim bilmeıtin de shyǵarsyz...

Alfa Romeo

Emblemadaǵy qyzyl kres pen aıdahar Mılan gersogtarynyń Vıskontı,otbasymen baılanysty. Kres Vıskontı otbasynyń eltańbasy bolǵan, al aıdahardy ańyz boıynsha V ǵasyrda Vıskontı otbasynyń arǵy atasy óltirgen.

 

BMW

Eń birinshi emblema 1917 jyly paıda bolyp, aınalyp turǵan propellerdi beınelegen. 1920 jyly propellerden dástúrli bavar tústerine (aq jáne kók) boıalǵan, tórt bólikke bólingen sheńber ǵana qaldy.

 

Citroón

Injener Andre Sıtroen kásipkerlik mansabyn berilis qoraptaryn jasaıtyn zaýyttan bastady. Bul qoraptaǵy tegershikter jaqsy tutasý úshin shevron túrinde arnaıy tisteri boldy. Olardyń beınesi kompanıanyń emblemasyna aınalyp, prınsıpti túrde esh ózgertilmedi.

 

Ferrari

Artqy aıaqtap tik turǵan attyń beınesi eń alǵash ıtaıandyq sheber ushqysh Franchesko Barakkanyń fúzelájynda boldy. Ushqysh 1918 jyly qaza bolady, onyń anasy sımvoldy Enso Ferrarıge qoldanýǵa usynady. Emblemadaǵy sary tús kólikter shyǵarylatyn Modena qalasynyń túsi.

 

Nissan

 

Emblemany bezendirgen alǵashqy sheńber qyzyl túste bolyp, kóterilip kele jatqan kúndi beınelegen. Al tiktórtburysh kók túste bolyp aspandy beınelegen. Kompanıa qyzmetkerleri bul beıneler «adaldyq jetistikke jeteleıdi» uranynyń kórinisi deıdi. Alaıda qyzyl men kók túster ýaqyt óte kele sýyq metalǵa oryn berdi.

 

Mitsubishi

Úsh  almas kompanıa qurýshysy Iataro Ivasakıdiń ata-tektik tańbasynan alynǵan. Kóliktiń ataýy da osydan: «mısý» japon tiline «úsh», «bısı» — almas. Almastar  adaldyqty, qoǵam aldynda jaýapkershilikti, halyqtar arasynda túsinýshilikti beıneleıdi.

 

Mercedes-Benz

Fırma 1926 jyly Karl Bens pen Daımler Gotlıbtiń kompanıalarynyń qosylýynan paıda boldy. Daımlerdiń qoıǵan úsh juldyzy úsh ortadaǵy (jer, sý, aýa) artyqshylyqty beınelegen. 1937 jyly juldyz sheńber ishine ornalastyryldy (odan aldyn onda  «Bensten» gúl táji bolǵan).

 

Opel

Sheńberdegi naızaǵaı 30-jyldarda ańyz bolǵan Opel Blitz Týr 3,6 eske túsiredi  (nemis tilinde naızaǵaı - Blitz). Odan aldyn fırmanyń belgisi qarapaıym bolǵan, Opel jazýy bar kók sopaqsha, keıinirek torpedanyń sýreti qosyldy. Al ol óz aldyna keıin naızaǵaıǵa aýystyryldy.

 

Peugeot

Arystan kompanıa óniminiń qýatyn beıneleıdi. Sonymen qosa Belforda ornalasqan arystan monýmenti de emblema bolýǵa septigin tıgizdi. Peugeot zaýyttary Belfor aımaǵynda ornalasqan. Monýmentti Ogúst Bartoldı (Bostandyq eskertkishiniń avtory) ornatqan. Monýment 1871 jylǵy nemisterdiń qalany qorshaýlarynyń sátsizdigin eske túsiredi.

 

Porsche

Fırma Shtýtgart qalasynda ornalasqandyqtan, emblemanyń ortasynda qalanyń tańbasy jáne jylqy beınelengen (qala jylqy ósiretin zaýyttyń ornynda qurylǵan). Múıiz ben jolaqtar — Shtýtgarttyń astanasy Vúrttemberg gersogstiginiń tańbasy.

 

Renault

32 jyl boıy logotıp bolmaǵan.  1922 jyly torǵa ornalastyrylǵan Renault degen jazýy bar dóńgelek belgi paıda boldy. Belgini kloksanǵa ornalastyratyn, al tor dybystyń shyǵýyna septigin tıgizetin. 1924 jyly tordy romby tárizdes jasaǵanda, embleanyń formasy da ózgerdi.

 

Rover

Qalqan túrindegi emblema eń alǵash velosıped  ramalarynda paıda boldy. 1904 jyldan kompanıanyń eń birinshi avtokóligine ornalastyryldy. Emblemadaǵy japyraqtarmen kómkerilgen keme, aǵylshyndardyń ata-babalary bolyp  tabylatyn vıkıngtardy eske salady.

 

Subaru

Emblemadaǵy juldyzdar Úrker (Subaru japon tilinde) shoqjuldyzyn beıneleıdi. Basqa ataýy — «Jeti apaly-sińliler», ejelgi grek tıtany Atlastyń juldyzǵa aınalǵan qyzdaryna qatysty.

 

Toyota

Úsh  elıps 1989 jyly paıda boldy. Tik jáne kóldeneń elıpstar  «T» árpin quraıdy, úshinshi elıps «damytýdaǵy qurý rýhyn» beıneleıdi. Elıpstardy qorshaǵan bos keńistik «bolashaq múmkindikter men tehnologıalardyń damýyn» beıneleıdi.

 

Volkswagen

Alǵashqy kompanıanyń emblemasyndaǵy Volkswagen zaýytynyń janynda ornalasqan  Volfsbýrg qorǵanynyń eltańbasy beınelengen. Keıinirek eltańba alynyp tastaldy da, emblemada W árpi paıda boldy. Árip sheńbermen qorshaldy. Emblemanyń beınesi qazirgi tańda da sol qalpynda qalǵan.

 

Volvo

Avtozaýyttyń eń birinshi shyqqan kóligi  Volvo Jakob-ń emblemasynda radıatorda qıǵash jolaqsha, sheńber, jebe (astrologıada Marstyń belgisi) beınelengen. 1975 jyly sheńber alynyp tastaldy da tek VOLVO degen jazý qaldy.

---