Komodo keseli
Komodo keseli – jer sharyndaǵy eń alyp kesirtke. Qara qońyr tústi, usaq sary daqtary bolady. Uzyndyǵy 3 m-ge deın jetedi, salmaǵy 136 keli shamasynda. Denesiniń jartysyn quıryǵy alyp jatyr. Uzyn, jalpaq basty, tumsyǵy súıirleń, qabyrshaq deneli, aıaqtary ıeleńki. Tisteriniń jıegi ótkir, jemtigin bólshekteýge yńǵaıly. Jemtigin uzaq ýaqyt jasyrynyp, ańdyp jatyp ustaıdy.
Komodo keseli saǵatyna 20 shaqyrymǵa deıin júgire alady. 50 jyl buryn komodo keseliniń denesi qazirgige qaraǵanda uzyndaý ári irileý bolǵan.
Komodo keseli janýarlardyń barlyǵymen qorektene beredi, mysaly buǵylar, shoshqalar, sý býıvoly, jylandar, kesirtkeler,t.b.
Komodo keseli sýda jaqsy júzedi. Sý betinde balyqtar men qustardy aýlaǵany da baıqalǵan.
Komodo keseli aǵashtar arasyn panalap, jándiktermen, qustarmen, kishkene sútqorektilerdiń jumyrtqalarymen de qorektenedi. 20 jyldan 40 jylǵa deıin tirshilik etedi. Kúıleý kezeńinen basqa ýaqytta dara tirshilik etedi.
Komodo keseli teńiz deńgeıinen 700 metr bıiktiktegi mýsondyq ormandarda jáne svannalarda tirshilik etýge beıimdelgen.
You Might Also Like
