InfoHub Logo

Kompúterlik jeli belsendiligi talaptaryn qadaǵalaýdy anyqtaý baǵdarlamalyq júıesin qurý

Adamzat órkenıetiniń damý qarqynynyń negizgi sıpatynyń biri jappaı kompúterlendirý. Jańa aqparattyq tehnologıalardy oqytý salasynda, bızneste, óndiriste, ǵylymı zertteýde jáne áleýmettik ómirde keńinen qoldanýdyń, damýdyń jańa deńgeıin jasaý.

Qazirgi ýaqytta kompúterdi qoldanýdyń eń mańyzdy aıasy kóptegen qoldanýshylar úshin biryńǵaı aqparattyq keńistikti qamtamasyz etetin jelilerdi qurý bolyp tabylady.
Kompúterlik jelilerdi qoldaný mynalardy júzege asyrýǵa múmkindik beredi:
- aqparatty óńdeý prosesiniń naqty bir kompúterden táýelsizdigi;
- jeliniń bir DK - da saqtalý esebinen bir aqparatty qosarlaý múmkindiginiń joıylýy;
- aqparattyń saqtalý senimdiliginiń joǵarylýy;
- aqparatty ruqsat etilmegen enýden qorǵaýdy uıymdastyrý;
- uıymnyń bólimsheler men qyzmetkerler arasynda jyldam, qaǵazsyz aqparat almasý múmkindigi.

Jalpy aıtqanda, kompúterlerdi jelige qosý olardyń resýrstaryn birlesip paıdalaný úshin jáne aqparatpen almasý úshin biriktiriledi.
Kompúterlik jeli dep qoldanýshylardy aqparattyq, programmalyq jáne aparattyq resýrstardy jáne aqparatpen almasý quraldaryn ujymmen paıdalanýdy qamtamasyz etetin ózara baılanysqan kompúterdiń jıyntyǵy. Mysaly, túrli baǵdarlamalardy, qujattardy jáne baspaǵa shyǵarý qurylǵylaryn birigip paıdalanatyndaı etip, bir - birimen kabeldiń kómegi arqyly qosylǵan kompúterler tobyn aıtady [1].

Qazir jeli birneshe paıdalanýshyǵa derekter men syrtqy qondyrǵylardy bir ýaqytta paıdalanýǵa múmkindik beredi. Eger birneshe paıdalanýshyǵa qujattaryn baspadan shyǵarý qajet bolsa, onda olardyń barlyǵy jelilik prınterdi paıdalanady. Qazirgi tańda jelilik tehnologıalar kez kelgen mekeme, kásiporynnyń korporatıvti aqparattyq júıesiniń negizin quraıdy. Korporatıvti jeli - ol birikken ofısterdiń, bólimsheler men bir - birinen alshaq ornalasqan basqa da qurylymdardyń terıtorıalyq taralymy bolyp tabylady [2 - 4]. Bıznestiń órkendeýi senimdi de úzdiksiz jumys atqaratyn baılanys pen aqparat almasýdy qajet etedi, ol óz kezeginde senimdi jelilik tehnologıanyń bolýyn talap etedi.

Sondyqtanda búgingi tańda tehnologıanyń qarqyndy damýyna baılanysty kompúterlerdiń jeli belsendiligi talaptaryn qadaǵalaý men ornatýdy anyqtap otyratyn baǵdarlama - analızator qajet.
Jumystyń maqsaty: kompúterlik jeli belsendiligi talaptaryn qadaǵalaý men ornatýdy anyqtaýdyń monıtorıńin jasaý.
Kompúterlik jeli belsendiligi talaptaryn qadaǵalaý, ol jeli resýrstary jáne kompúter týraly negizgi aqparattardy jınaý úshin qoldanylady. Onyń negizgi tapsyrmalaryna kelesiler jatady:
– kompúter qasıetin kórý, sonymen qatar onyń konfıgýrasıasyn jáne ol týraly aqparattardy jınaý;
– qoldanýshylyq seanstaryn kórý;
– qoldanylǵan resýrstardy kórý;
– qoldanýshylarǵa habarlama jiberý.
Jobanyń ózektiligi: Jobada kompúterlik jeli belsendiligi talaptaryn qadaǵalaý men ornatýdy anyqtaýdy óńdeýdiń tıimdi qoldanbaly baǵdarlamalar paketi ázirlendi. Jumysty iske asyrý barysynda bul baǵdarlama qoldanýshynyń kompúterindegi operasıalyq júıege eshqandaı kedergisiz ornatylady jáne sol baǵdarlamada jasalatyn kez kelgen áreketter úshin de ýaqyt tıimdili bolyp tabylady. Joǵary deńgeıli baǵdarlamalaý tiliniń biri – Delphi 7. 0 paıdalanyp, jelilik belsendilikti anyqtaýǵa arnalǵan tıimdi baǵdarlama ınterfeısi quryldy.