InfoHub Logo

Túsinikteme
Jańa baǵdarlamanyń mazmuny men qurylymy oqýshylardyń matematıka pánin jete meńgerip, logıkalyq oılaý qabiletin qalyptastyrýǵa yqpal etedi.
Baǵdarlama belgili bir oqý jylyna sáıkestendirilgen jáne taqyryptar boıynsha júıelengen.
Baǵdarlamada mektep oqýlyǵyndaǵy oryndalýy mindetti bolyp sanalmaıtyn damytýǵa baǵyttalǵan standartty emes jattyǵýlar keltirilgen.
Baǵdarlamalyq materıal oqýshylardyń óz bilimin tereńdetýge áser etedi, oqýshylar qabiletiniń meılinshe kemeldene túsýine múmkindik beredi.
Kýrstyq oqý josparyndaǵy 3 synypqa jalpy - 34 saǵat (jyl boıy) bólingen.
Dıdaktıkalyq materıaldardy matematıka sabaǵynda paıdalanýdyń maqsaty men mindetteri
- Oqýshylardyń matematıkaǵa degen yntasyn arttyrý
- Logıkalyq oılaý qabiletterin damytý
- Shyǵarmashylyq daǵdylaryn qalyptastyrý
- Óz betinshe esep shyǵarýǵa mashyqtandyrý
- Oqýshylardyń matematıkalyq qabiletin anyqtap, ony damytý
- Oqýshylardyń matematıkalyq bilimin tereńdetý

Sanamaqtar
Qalmaý úshin ashyǵyp
Qysqy azyǵyn kesh qamdap,
Qambasyna tasydy
BİR,
EKİ,
ÚSH,
TÓRT,
BES jańǵaq.

Uıqydan ol asyly
Kórgen emes kesh órip.
Búgin taǵy tasydy
BİR,
EKİ,
ÚSH,
TÓRT,
BES órik.

Al, al...
Bizdiń Qanat pa?
Qaıta - qaıta esinep,
Aldy eskertý sabaqta
BİR,
EKİ,
ÚSH, TÓRT,
BES ret.
QOSHAQANDY QAIRAÝ
Qyzyl - jasyl dalany
Kezgin kelse shamaly,
Tatqyń kelse basqa dám,
Qoshaqanym, bas qadam

Ońǵa qaraı BİR atta –
Bas qoıasyń bulaqqa.
Solǵa qaraı BİR atta –
Toıyndasyń quryqqa.

BİR,
EKİ,
ÚSH,
TÓRT atta,
Júgir,
Sekir,
jortaqta.
Tamaq ózi kelmeıdi
úıden shyqpas qorqaqqa.

ON - OTANYŃ ARDAQTY,
On - Otanyń ardaqty,
Ol - qorǵanyń salmaqty.
Seni aqyldy bolar dep,
Bar tilegin arnapty.

BİR DEGENİM - BELİN,
Bir degenim - belin,
Eki degenim - egin,
Úsh degenim - úki,
Tórt degenim - tól,
Bes degenim - bekire,
Alty degenim - adam,
Jeti degenim - jemis,
Segiz degenim - seń,
Toǵyz degenim - toń,
On degenim - oń,
On bir bolady odan soń.

JETİ - TÝǴAN JERİMİZ,
Jeti - týǵan jerimiz,
Biz - týǵan jer tólimiz.
Jıi barsaq aýylǵa,
Tola túser kemimiz.

EKİ DEGENİM - ELİM,
Eki degenim - elim,
Atameken jerim.
Ol - ózen, kól, keń dala,
Ol - taýlarym meniń.

ONǴA DEIİN SANAIYQ!
Qolǵa qalam alaıyn,
Qansha san bar jazaıyq.
Qarap turmaı, sandardy
Qaıta - qaıta sanaıyq.
O
Dóńgelekke uqsaıdy,
Dop sıaqty, ushpaıdy.
Dosym nóldi O deıdi,
Desem «bul nól», uqpaıdy.