InfoHub Logo

Zimbir – ǵalamsharymyzdaǵy eń paıdaly ári dámdi dámdeýishtiń biri. Ol – qunarly zattarǵa, bıologıalyq belsendi qosylystarǵa baı. Zimbir men lımon shaıyn ishkińiz kele me? Múmkin zimbir qosylǵan salat qalaıtyn bolarsyz? Árıne, ol árkimniń óz tańdaýy. Al biz kúndelikti zimbir tutynýdyń densaýlyǵyńyz ben aǵzańyzǵa tıgizer 5 túrli paıdasyn sóz etpekpiz.

Zimbir – kúshti antıoksıdant

Zimbirge erekshe dám men ıis beretin – quramyndaǵy tabıǵı maılar. Olardyń ishindegi eń mańyzdysy – gıngerol. Ol – zimbirdiń kóptegen paıdaly qasıetin qamtamasyz etetin bıologıalyq belsendi qosylys. Jalpy, gıngeroldy qabynýǵa qarsy jáne antıoksıdanttyq áseri bar kúshti qural retinde bilemiz. Bul tabıǵı maı aǵzańyzǵa juqpaly indetke, kúızeliske tótep berip, kúsh-qýatyńyzdy uzaq ýaqytqa saqtaýǵa kómektesedi.

Júrek aınýyn basady

Júrgizilgen zertteý jumystary zimbir tamyrynyń júrek aınýyna qarsy tıimdi qural ekendigin kórsetti. Bul dámdeýishtiń teńiz aýrýyna shaldyqqanda kómektesendigi jaıly ańyzdar da joq emes. Tipti, keı ǵalymdardyń aıtýynsha, zimbirdiń júrek aınýyna qarsy áseri áıgili dári-dármekterden artyq. Ol qan qysymynyń ózgerýi, bas jazý sındromy, otadan keıin qalpyna kelý kezeńinde júrek aıný belgilerin basady.

Bulshyq et aýrýyn jeńildetedi

AuthorityNutrition.com kórsetken zertteý jumysynyń nátıjesi boıynsha, qatysýshylary 11 kún boıy 2 gram zimbir tamyryn tutynǵannan keıin, denege túsh túsiretin jattyǵýlary sebepti paıda bolǵan bulshyq et aýrýy birneshe ese jeńildegen. Zimbir bulshyq etke tikeleı áser etpegenimen, onyń qabynýǵa qarsy áseri tán aýrýyn basady. Sonymen qatar etekkir merziminde untaqtalǵan zimbirdi tutyný aýyrsyný seziminiń jeńildeýine sebin tıgizetini dáleldengen.

Zimbir sýsamyr dertine shaldyǵý qaýpin tómendetedi

Bul zertteý jumystaryndaǵy jańa baǵy sanalǵanymen, ǵalymdar zimbirdiń sýsamyrǵa qarsy qasıeti bar dep topshylaıdy. 2015 jyly sýsamyrdyń İİ túrine shaldyqqan 40 naýqastyń qatysýymen júrzizilgen tájirıbe barysynda, turaqty túrde untaqtalǵan zimbir tutyný (ash qarynǵa 2 gramnan) naýqastardyń qanyndaǵy qant deńgeıin 12%-ǵa deıin túsirýge kómektesken. Alaıda mundaı nátıje tek zertteý jumysy barysynda ǵana baıqalǵan jáne qol jetkizgen málimetter aýqamdy tájirıbe jumystarymen  dáleldenýi tıis.

Zimbir mı qyzmetin jaqsartady

Qyshqyldandyratyn kúızelis jáne sozylmaly qabyný qartaıý prosesin jaldamdatatyny belgili. Jáne dál osy faktorlardy Alsgeımer dertimen jáne jasqa baılanysty kognıtıvti buzylystarmen baılanystyrady.  Janýarlarǵa júrgizilgen zertteý jumystarynyń birqatary zimbir quramyndaǵy antıoksıdanttar men belsendi qosylystar mıda oryn alatyn qabyný reaksıasyn baýlatatynyn kórsetken.

Munan bólek, zimbirdiń mı qyzmetin jaqsartatyn áserge ıe ekendigi jóninde derekter de bar.Orta jastaǵy 60 áıel adamnyń densaýlyǵyn baqylaýǵa alǵan zertteý jumysynyń nátıjesi boıynsha, turaqty túrde zimbirdi tutyný reaksıa jyldamdyǵyn, este saqtaý men esepteý dáldigin jaqsartady.

---