InfoHub Logo

Kúnjit — kúnjit tuqymdasyna jatatyn bir jyldyq ne kóp jyldyq ósimdik týysy. Negizinen Ońtústik Afrıkada, Madagaskar, Sokotra araldarynda, Ontústik-SHyǵys Azıa, Jańa Gvıneıa jáne Soltústik Avstralıanyń tropıktik, sýbtropıktik beldemderinde ósetin 35-ke jýyq túri bar. Ekpe túri — Úndi kúnjiti. Bıikgigi 1-2 m, sabaǵy tik, butaqty, 4-8 qyrly, tamyry 1 m tereńdikke jaıylady. Tómengi japyraqtary qysqa, jalpaq, orta tusyndaǵylary iri, gúli iri, uzyndyǵy 4 sm-ge jetedi. Kúltesi ashyq kyzǵylt, kúlgin ne aq. Jemisi 4,5 ne 8 qyrly qorapsha, uzyndyǵy 3-5 sm, piskende qaqyrap ashylady da, tuqymy tógiledi. Bir qorapshada uzyndyǵy 2,5-3,5 mm, eni 1,6-2 mm, 80-ge jýyq dán bolady. Sortyna, ósirilgen jerine baılanysty vegetasıalyq kezeńi 80-150 kún. Jaryq, jylý súıgish ósimdik. 18-20°S-tan joǵary temperatýrada jaqsy kókteıdi. Kúnjit maı alý úshin ósiriledi. Dáninde 45-59% maı bolady.

Ony taǵam, kondıter óndirisi, medısına, tehnıka salalary paıdalanady. Kúnjitgiń ár gektarynan 1,2-1,5 s dán alynady.

Oqýǵa keńes beremiz:

Kúnjit maıy

Biz oılaǵandaı óspeıtin ónimder

Azyqtar, dastarhanǵa kelerdiń aldynda

---