InfoHub Logo

Makedonıa astanasy Skopedegi «Qasıetti Klıment Ohrıdskıı» Ulttyq ýnıversıtettik kitaphanasynda Qazaqstan ádebıeti men mádenıeti ortalyǵy ashyldy, dep «QazAqparat» Qazaqstannyń Majarstandaǵy elshiligine silteme jasap habarlaıdy.

Ortalyqtyń ashylý rásimi 19 jeltoqsan kúni ótti.

«Osy kitaphananyń qoryna Qazaqstan Ulttyq akademıalyq kitaphanasy qazaq, orys jáne aǵylshyn tilderinde jazylǵan 100-den astam kórkem, ǵylymı-pýblısıstıkalyq, t.b. kitap berdi», - delingen habarlamada.

Ortalyq Qazaqstannyń ádebı murasyn nasıhattaýǵa, halyqaralyq mádenı baılanystardy damytýǵa septigin tıgizedi. Sharada Qazaqstan Ulttyq akademıalyq kitaphanasy men «Qasıetti Klıment Ohrıdskıı» Ulttyq ýnıversıtettik kitaphanasynyń arasynda ózara túsinistik jáne yntymaqtastyq memorandýmyna qol qoıyldy.

Sharany Qazaqstan Ulttyq akademıalyq kitaphanasy Qazaqstannyń Majarstandaǵy elshiliginiń qoldaýymen Memleket basshysynyń «Bolashaqqa baǵdar: rýhanı jańǵyrý» baǵdalamalyq maqalasynda usynylǵan «Jahandaǵy zamanaýı qazaqstandyq mádenıet» jobasyna sáıkes uıymdastyrdy.

Qazirgi kezde osyndaı ortalyqtar Qytaı, Reseı, Túrkıa, Majarstan, Fınlándıa, Ońtústik Koreıa, Malaızıa, Shvesıa, Fransıa, Japonıa, Bolgarıa, Chehıa jáne TMD elderiniń ulttyq kitaphanalarynda ashylǵan

---