InfoHub Logo

Mamandyǵym - maqtanyshym!
Tárbıeshi - eń aldymen, bala úshin bilim nárin quıýshy izgilik ıesi, ómirlik tájirıbelerdi úıretýshi tálimger, adamgershilikke baýlıtyn tárbıeshi psıholog ekeni sózsiz.

Iá, halqymyzdyń, ata - babalarymyzdyń ejelden kele jatqan ómirlik tájirıbesin, salt - dástúin, ádet - ǵuryptaryn, jaqsy qasıetterin, búgingi zamannyń ozyq jetistikterin jas urpaq ustaz arqyly, onyń aıtqan tálimdi sózderi men ónegeli isteri arqyly úırenedi. Al, bul mindet qashanda qıyn jaýapty ekeni belgili.

Men, tárbıeshi mamandyǵyn tańdamas buryn, balabaqshada basqa maman ıesi retinde jumys atqardym. Balabaqsha ómiri tárbıeshilermen tikeleı baılanysty ekendigi anyq. Jumys barysynda tárbıeshilermen tikeleı qarym - qatynasta bolǵandyqtan bul mamandyqtyń qanshalyqty qıyn tustary bar ekenin baıqadym. Sonda da, tárbıeshi mamandyǵyna qyzyǵýshylyǵym aýa bastady. Sol sebepti tárbıeshilerdiń ortasynda júrip, osy maman ıesi bolýǵa bel býdym. Ózim jumys istep júrgen balabaqshadaǵy tárbıeshilerden kóptegen tájirıbeler aldym.

Búginde osy mamandyqtyń tizginin ustap, talaılardyń talaby men talantyn tasytyp júrgen tárbıeshiler dúnıeniń ár buryshynda adamzattyń saýatyn ashyp, tájirıbeler jasap, zor tabystarǵa jetýde.
Men balalardy janymdaı jaqsy kórem... Óıtkeni bala men úshin tazalyq pen páktiktiń, shynaıylyq pen týralyqtyń aınasy. Olar qýansa shyn qýanyp, renjise shyn renjı biledi. Olardyń jany jalǵandyqty, jasandylyqty súımeıdi, ne aıtsa da ádil, shyndyqty aıtady. Kózderi móldiregen, júzderinde kúlki oınaǵan balalarǵa qarasańyzshy...

Adam balasy balalyq shaqta qandaı sulý, qandaı názik, qandaı ańǵal, qandaı taza edi... Ár bala ózinshe bir álem... Jany jaqsylyqqa qumar, armanshyl... Tárbıeshi mamandyǵynyń kıesi de, qıyndyǵy da osy perishtelerdi úlken ómirge, qanaty qaıyrylmaıtyndaı etip daıarlaýda emes pe?!
Jasyratyny joq, osy mamandyqty tańdaǵan jandardyń kásibine kóńili tolmaı qıyndyǵyn aıtatyndary kóp, al mamandyǵyn ózgertetinder sırek... Onyń sebebi, súıkimdi balalardyń kıeli ortasy tárbıeshini názik jippen ózine baılanystyryp qoıatyndaı.

Men balabaqshada tárbıeshi mamandyǵy boıynsha tórtinshi jyl eńbek etýdemin, bul eńbekten eshbir jalyqqan emespin. Óıtkeni meniń jas búldirshinderge arnaǵan osy ýaqytymdy ómirimdegi eń bir baǵaly ýaqytym, baqytty kezderim dep aıta alamyn. Kúnde erteńgisin balabaqshada jas búldirshinderdi qarsy alyp, olardyń jaǵymdy únderin, syńǵyrlaǵan tátti kúlkilerin, «Sálemetsiz be?», «Qaıyrly tań!» degen sózderin estigende, boıym bir serpilip qalǵandaı bolady. Balalarmen bolǵan árbir ýaqytym meni jańa bir álemge jetelegendeı. Árdaıym balalardyń maǵan degen yqylasyn, maǵan umtylǵan úmitke toly kózderin, ne nárseni bilýge qushtar shabytty, suraýly janarlaryn baıqaımyn. Olardyń menen kútetinderi óte kóp ekenin sezemin... Balabaqshaǵa bara jatqanda basyma sol kúnniń jumysy týraly neshe túrli oılar keledi. Oılarym san túrli bolady: meniń kishkentaı dostarym qandaı kóńil kúımen keler eken? Kúnimiz qyzyqty ótý úshin oqý is - áreketin, oıyn túrlerin qalaı ótkizsem eken?...
Árıne árbir oqý is - áreketime jaýapkershilikpen qarap, daıyndalýdy esh jadymnan shyǵarǵan emespin.

Tárbıeshi Tóltaeva Nazerke Ómirzaqqyzy
Mamandyǵym - maqtanyshym! júkteý