InfoHub Logo

Sabaqtyń taqyryby: Qysqy kıimder
Sabaqtyń maqsaty:
Bilimdilik: modýl boıynsha alǵan bilimderin saralap, qorytyndy jasaý;
Damytýshylyq: oqýshynyń aqyl - oıyn, bilimge degen yntalaryn damytý, suraq - jaýap berýge mashyqtandyrý;
Tárbıelik: ulttyq salt - dástúrge, onyń ishinde ulttyq kıimge degen súıispenshiligin arttyrý.
Sabaqtyń túri: qorytyndy sabaq
Sabaqtyń ádisi: suraq - jaýap, sóılesý, áńgimelesý, toptyq jumys.
Kórnekilikter: kıimderdiń, ulttyq kıimderdiń sýretteri, sıqyrly sandyq, dop, qýyrshaqtar, qaǵazǵa jazylǵan sózder, plakattar.
Sabaqtyń mazmuny men júrisi.

İ. Uıymdastyrý kezeńi: oqýshylarmen amandasý,
oqýshylar qonaq muǵalimdermen sálemdesedi,
oqýshylardy túgendeý,
oqýshylardy sabaq taqyrybymen jáne maqsatymen tanystyrý.
Muǵalim sózi: - Sálemetsińder me, balalar! Otyryńdar.
Sabaqqa daıynsyńdar ma?
Topqa bólinip otyrdyńdar ma? Daıyn bolsańdar, sabaǵymyzdy bastaıyq.

İİ. Úı tapsyrmasyn tekserý. Suraq - jaýaptarmen jumys.
- Meniń qoıǵan suraqtaryma jaýap berińder.
Búgin aptanyń qaı kúni? (búgin aptanyń beısenbi kúni)
Qazir qaı aı? (qazir jeltoqsan aıy)
Jeltoqsan aıy qaı mezgilge jatady?(jeltoqsan aıy qys mezgilge jatady)
Taǵy qandaı jyl mezgilderin bilesińder?(qys, kóktem, jaz, kúz jyl mezgilderi)

İİİ. Jospar boıynsha jańa materıaldy baıandaý. Toppen jumys.
- Balalar, búgin biz sabaqta osy jyl mezgilderinde kıetin kıimderdi qaıtalaımyz, toppen jumys isteımiz, ár túrli tapsyrmalar oryndaımyz, bilimimizdi kórsetemiz.
Myna meniń qolymdaǵy sıqyrly sandyqta konvertterde toptyń attary jasyrylǵan. Káne, ár toptan bir oqýshy shyqsyn, toptyń atyn tańdaıyq. (sóıtip tórt top paıda bolady).
Olar: «qysqy kıimder» toby, «kóktemgi kıimder» toby, «jazǵy kıimder» toby, «kúzgi kıimder» toby.
Endi tapsyrmalarǵa kósheıik. (Ár topqa plakattar taratamyn).
Qysta, kóktemde, jazda, kúzde qandaı kıimder kıesińder? Eki mınýt ýaqyt beriledi. Oqýshylar jaýaptaryna qaraı «3», «4», «5» degen upaı alady.
! top: kóktemgi kıimderi (kúrtke, shalbar, báteńke, djemper)
İİ top: jazǵy kıimderi (jeıde, kóılek, qalpaq, týflı
İİİ top: kúzgi kıimderi (palto, kúrtke, báteńke, djemper)
IV top: qysqy kıimderi (ton, qulaqshyn, bókebaı, pıma, etik, qolǵap)
- Al, balalar, bir - birimizdiń jaýaptaryn tyńdap, qatelerdi jóndeıik. İ top
- Balalar, bizdiń sabaǵymyzǵa qonaqtar kelipti. Káne, olardy qarsy alaıyq.
(Osy kezde esik qaǵylyp ishke qazaqsha kıingen ul men qyz kiredi).
- Sálemetsińder me, balalar!
- Sálemetsizder me?
- Haldaryń qalaı?
- Jaqsy, raqmet.
- Sender kıimderdi bilesińder me?
- Iá, bilemiz.
- Jaqsy. Al, bizdiń ústimizdegi qandaı kıim, aıtyńdarshy?
- Ulttyq kıimder (qazaqsha kıim, qazaq halqynyń ulttyq kıimi)
- Qazaq halqynyń taǵy qandaı ulttyq kıimderin bilesińder?
- Taqıa, bórik, sáýkele, qamzol, ishik búrmeli kóılek, shapan, mási.
Muǵalim: - Balalar, Qaharman men Kámshattyń kıimderin aıtyńdar.
- Kámshattyń ústinde ne bar?
- Búrmeli kóılek, oıýly qamzol.
- Basynda ne bar?
- Basynda taqıa bar.
- Qaharmannyń ústinde ne bar?
- Qaharmannyń ústinde shapan.
- Basynda ne bar?
- Basynda qalpaq bar.
Qonaq oqýshylar: - Jaraısyńdar, balalar. Biz kettik. Saý bolyńdar.
- Saý bolyńdar.

IV. Bekitý. Dáptermen jumys.
- Al, bizge Dymbilmes keldi. Sender oǵan 2 - tapsyrmany oryndaýǵa kómektesesińder me?
- Iá, kómektesemiz.
- Tapsyrmany tyńdańdar. Berilgen sózderdegi joq áripti taýyp, fonetıkalyq taldaý jasańdar.(taqtaǵa ár toptan bir oqýshy shyǵady)
Q... laqshyn, et... k, k... ılek, báte... ke
- Balalar, taqtaǵa qarap, tapsyrmany teksereıik.
- Kelesi tapsyrma «Oınaıyq ta oılaıyq» dep atalady. táýeldik jalǵaýyn qaıtalaıyq. (muǵalim dopty laqtyryp, «meniń» dep aıtady. Dopty qaqqan oqýshy «qolǵabym» dep aıtýy kerek. Sóıtip «qalpaq, etik, kóılek» sózderimen oıyn jalǵasady.
Kelesi tapsyrma «Pıramıda» oıyny. Berilgen sózderden sóz órbitý.
Jeıde. Bókebaı.
Mynaý – jeıde Mynaý – bókebaı.
Mynaý – meniń jeıdem. Mynaý – meniń bókebaıym.