InfoHub Logo

Mańǵystaý oblysynyń ákimi Nurdáýlet Qılybaı 15 naýryzda ótetin respýblıkalyq referendýmǵa qatysýǵa shaqyryp, turǵyndardy jańa Konstıtýsıa boıynsha óz tańdaýyn jasaýǵa úndedi. Bul týraly Infohub.kz aqparat agenttigi habarlaıdy.

Azamattyq jaýapkershilikke shaqyrý

Óńir basshysy árbir azamattyń azamattyq jaýapkershiligin kórsetip, memleket bolashaǵyna qatysty mańyzdy sheshim qabyldaýǵa atsalysýy kerektigin atap ótti.

«Qurmetti Mańǵystaý jurtshylyǵy! Qadirli jerlester! Birneshe kúnnen keıin elimizdiń merekesi – birlik, baýyrlastyq jáne ózara qurmet sımvoly sanalatyn Amal merekesin atap ótemiz. Sol kúni mańyzdy saıası oqıǵa – respýblıkalyq referendým ótedi. Árqaısyńyzdy azamattyq jaýapkershilik tanytyp, jańa Konstıtýsıa boıynsha daýys berýge qatysýǵa shaqyramyn. Birge ádil qoǵam quryp, birlikti nyǵaıtyp, memleketimizdiń turaqty damýyna negiz qalaıyq», - dedi Nurdáýlet Qılybaı.

Amal merekesimen quttyqtaý

Sondaı-aq, oblys ákimi Mańǵystaý turǵyndaryn jaqyndap kele jatqan Amal merekesimen quttyqtap, ár otbasyna beıbitshilik, baq-bereke jáne birlik tiledi.

«Amal merekesimen shyn júrekten quttyqtaımyn. Bizdiń beıbit aspanymyz árdaıym ashyq, Kaspıı teńizi tynysh, al Qazaqstannyń kók baıraǵy táýelsiz jáne gúldengen elimizdiń ústinde máńgi jelbireı bersin», - dep qosty óńir basshysy.