InfoHub Logo

Bul ekeýi dos bolyp júredi. Maqta qyz úıin jınap júrip, bir meıiz taýyp alady da mysyqty shaqyrady. Mysyq, kelmeıdi. Qyz:

— Kelmeseń kelme! – dep, meıizdi ózi jep qoıady. Jep bolǵan soń, mysyq kelip:

— Nege shaqyrdyń? – dep suraıdy. Maqta qyz aıtpaıdy. Sonan soń mysyq:

— Endeshe qatyǵyńdy tógem! – deıdi.

Maqta qyz:

— Men quıryǵyńdy kesip alamyn! – deıdi.

Mysyq qatyqty tógedi. Maqta qyz mysyqtyń quıryǵyn kesip alady. Mysyq:

— Apa, apa, quıryǵymdy bershi! – deıdi.

Maqta qyz:

— Meniń qatyǵymdy tóle! – deıdi. Mysyq sıyrǵa barady.

— Sıyr, maǵan qatyq bershi! – deıdi.

Sıyr:

— Meniń qarnym ashyp tur. Maǵan japyraq ákelip bershi! – deıdi.

Mysyq aǵashqa baryp:

— Aǵash, aǵash, japyraǵyńdy bershi! – deıdi.

Aǵash:

— Men shóldep turmyn. Sý ákelseń, japyraq beremin, – deıdi. Mysyq sýǵa bara jatsa, sý ákele jatqan qyzdardy kóredi.

— Qyzdar, qyzdar, maǵan sý berińizdershi! – deıdi.

Qyzdar oǵan:

— Bizge saǵyz ákelip berseń, biz saǵan sý beremiz, – deıdi. Mysyq dúkenge barady.

— Áı, dúkenshi, maǵan saǵyz bershi! – deıdi.

Dúkenshi:

— Maǵan jumyrtqa ber, – deıdi. Mysyq taýyqqa barady.

— Taýyq, taýyq, maǵan jumyrtqa bershi! – deıdi.

Taýyqtar:

— Bizge dán ákelip berseń, biz saǵan jumyrtqa beremiz, – deıdi.

Mysyq: «Endi ne qylamyn?» – dep, bara jatsa, bir in qazyp jatqan tyshqandy kóredi. Mysyq tyshqandy bas salady.

— Janyńnyń barynda aıt! Úıińde ne bar? – deıdi.

Tyshqan qoryqqanynan:

— Úıimde bir tabaq tarym bar, – deıdi.

Mysyq:

— Maǵan bir ýys tary ber, – deıdi.

Tyshqan úıine baryp, bir ýys tary ákelip beredi; mysyq taryny aparyp taýyqqa beredi, taýyq jumyrtqa beredi; jumyrtqany aparyp dúkenshige beredi; dúkenshi saǵyz beredi; saǵyzdy aparyp qyzdarǵa beredi, qyzdar sý beredi; sýdy aparyp aǵashqa beredi; aǵash japyraǵyn beredi; japyraqty aparyp sıyrǵa beredi, sıyr qatyq beredi; qatyqty aparyp Maqta qyzǵa beredi, Maqta qyz mysyqtyń quıryǵyn beredi.

---