InfoHub Logo

Shymkent ROSO «Baldáýren»
Túrkistan oblysy Hımıa páni muǵalimi
Kenjekaraev Almat Tazabekovıch

Karantın jaǵdaıynda oryn alǵan Maqtaaraldaǵy sý tasqyny oqıǵasy árbir Qazaqstandyqqa aýyr tıdi. Osy sekildi jaǵdaı kez kelgen Qazaqstandyqtardyń basyna kelý múmkin ekenin elimizdiń azamattary tereń túsindi. Onyń dáleli elimizdiń túpkir-túkpirinen materıaldyq hám rýhanı qoldaý kórsetý maqsatynda erikti toptar jasaqtaldy. Sý astynda qalǵan úılerdiń ornyna jańadan úı salý úshin memlekettik qordan kólemdi qarjy bólinip, qurylys jumystary qyzý júrip jatyr. Qurylys bitip, turǵyndar óz úılerine oralǵansha, oqýshylarǵa oqý lagerlerine joldama berilip, saýyqtyrý jumystary júrgizilýde. Baldáýren-Qapshaǵaı ROSO 252 oqýshy, Baldáýren-SHymkent 196 oqýshy qabyldap aýysym is-sharalaryn bastap ketti.

Baldáýren-SHymkent on segizinshi mamyr kúni oqýshylardy qabyldap, medısınalyq tekserýden ótkizdi. Baǵymyzǵa oraı barlyq oqýshylar tekserýden  taza dep tabyldy.

Allanyń árbir isin jaqsylyqqa balaǵan halqymyz, sol kúni nóser jaýyn jaýyp turdy. Áriptesterim bul jaýyndy nurǵa balap aýysymnyń qyzyqty ótýi úshin tilek tiledi. Oqýshylardyń kelgen kúni júzderinen muń baıqalyp, ata-analarynyń qasynan, týǵan jerinen jyraqqa shyqpaǵandyqtan keıbir oqýshylar úılerin saǵynyp jylaýmen boldy. Aýysymnyń ekinshi kúni olardyń júzderinen shattyq lebi ese bastady. Árıne buǵan uıymdastyrýshy ustazdardyń eńbegi zor. Osylaı bir kúni ekinshi kúnge uqsamaı Maqtaaraldyq Baldyrǵandardyń lagerdegi ǵajaıyp ómiri ótip jatty. 

Osyndaı kórinisterden alǵan áserin zor tebirenispen jetkizgen Baldáýren-SHymkent ROSO fılıalynyń dırektory Bosymbaev Dáýren Ábdikárimuly oqýshylarǵa sóılegen sózinde: Sizder kelgen kúni qazirgiden múlde basqa kóriniske kýá boldym. Maǵan sizderdi osy kúıge jetkizý óte qıyn kórinip edi, biraq qazir júzderińizdegi shynaıy shattyqty kórip tańdanysymdy jasyra almaı otyrmyn. Sizder elimizdiń jarqyn bolashaǵysyzdar, osyndaı jarqyn keıipterińizden tanbaýǵa shyn júrekten tilektespin. dep izgi tilek-lebizin joldady. Oqýshylardyń boıyna ulttyq rýhty, patrıotızmdi, adaldyqty sińire bilgen Baldáýrendik muǵalim ustazdardyń, tálimger ustazdardyń, bólim basshylarynyń eńbegi zor.

Maqtaaraldyq otandastar barsha Baldáýren ujymy sizdermen birge!!!

---