InfoHub Logo

Esterińizde bolsa sý tasqynynan zardap shekken Maqtaaral aýdanyndaǵy sý astynda qalǵan 5 aýyldyń turǵyndary evakýasıalyq pýnkterde jatqan bolatyn. Úkimet tarapynan arnaıy kómek kórsetilip, Túrkistan oblysy ákimdigi turǵyndarǵa jańadan úı salýdy bastap ta ketken. 
Endigi kezekte 1210 oqýshynyń jazǵy demalystaryn uıymdastyrý úshin Bilim jáne ǵylym mınıstri A.Aımaǵambetov arnaıy jedel topqa tapsyrma berip, jetkinshekterdi elimizdegi oqý-saýyqtyrý lagerlerinde jazǵy ýaqyttaryn tıimdi ótkizýin tapsyrǵan.

Alǵashqy toppen 250 bala «Baldáýren-Qapshaǵaı» demalys lagerine jetken bolsa, kelesi toptaǵy 200 bastaýysh synyp oqýshysy jáne olarǵa bas-kóz bolatyn 15 muǵalim men medbıke Tólebı aýdanyndaǵy «Baldáýren-Túrkistan» oqý-saýyqtyrý ortalyǵyna kelip jetti. 

Atap aıtsaq, H.Dospanova atyndaǵy jalpy orta mektebinen 56 oqýshy, Q.Músirepov atyndaǵy jalpy orta mektebinen 67 oqýshy, Q.Amanjolov atyndaǵy jalpy orta mektebinen 40 oqýshy, «Nurly jol» jalpy orta mektebiniń 37 oqýshysy 15 kún boıy lagerde ómir súredi. Balalar qosymsha munda sabaq ta oqıtyn bolady. Bul óz kezeginde mektep jasyndaǵy balalardyń ýaqytyn tıimdi ótkizip, salaýatty ómir saltyn ustanýǵa úıretetin, jańa dostar tabýǵa septigin tıgizetin sapar bolmaq. 

Buıyrtsa jańa baspanadaǵy jańa ómirge jańasha kózqaraspen kiretin jetkinshekter – eliniń sanaly, bilimdi bolashaǵy bolady dep senemiz.

Azamat Ospanov

---