InfoHub Logo

Bólimi: «Ǵajaıyp ertegiler»
Bilim berý salasy: Qatynas
Taqyryby: «Maqtanshaq qoıan» ertegisi
Maqsaty: Balalardyń shyǵarmashylyq qabiletin damytý.
Mindeti: Balalardyń boıynda ertegiler týraly túsinikterin keńeıtý. Ertegi keıipkerleriniń sózin, daýysyn ıntonasıasyn keltirip aıtýǵa daǵdylandyrý. Myqtylyqqa, shynshyldyqqa tárbıeleý.
Ádis - tásilder: oı tolǵanys, salystyrý, kórsetý, túsindirý, sergitý sáti, oıyn.
Kórnekilikter: qoıandardyń, ıtterdiń, qarǵanyń bet perdeleri, izderdiń sýretteri
Sózdik jumys: qorqaq, sur, qońyr, aq.
Bılıngvaldy komponent: qoıan - zaıas, úı qoıany - krolık, qarǵa - vorona

Barysy:
Shattyq sheńberi:
Kúlimdep kún búgin
Qarady maǵan da
Kúlimdep kún búgin
Qarady saǵan da
Shýaǵyn tógip nur
Sálem kún Ana!

Jumbaq jasyrý:
Qalqıyp uzyn qulaǵy
Eleńdep qorqyp turady (qoıan)
Balalar: Qoıan - dep jaýap beredi. Qoıannyń balasyn qalaı ataıdy?
Bılıngvaldy komponent: qoıan - zaıas, kójek - zaıchonok
- Qoıan - sózin jańǵyryq ádisimen qaıtalatamyn.

Tárbıeshi: Qoıannyń qulaǵy qandaı? Quıryǵy qandaı? Jazda terisi qandaı túske ózgeredi? Qysta she? Qoıan ne jeıdi? Qoıannyń terisinen ne jasaıdy?
Balalar: Qulaǵy uzyn. Quıryǵy qysqa. Jazda terisi sur, qońyr bolady. Qysta aq bolady. Qoıan sábiz jeıdi, aǵash butaqtaryn kemiredi. Qoıannyń terisinen malaqaı jasaıdy.
Sózdik jumys: qorqaq, sur, qońyr, aq.
Tárbıeshi: Búgin biz «Maqtanshaq qoıan» ertegisimen tanysamyz. (Múltfılm jelisimen kórsete otyryp, mazmunyn aıtyp berý.)
- Ertegi senderge unady ma?

Til ustartý jattyǵýy:
Ian - ıan - ıan - qorqaq qoıan
Ek - ek - ek - kishkene kójek
Laq - laq - laq - uzyn qulaq

Sergitý sáti:
Uzyn qulaq sur qoıan,
Estip qalyp sybdyrdy,
Oıly - qyrly jerlermen,
Ytqyp - ytqyp júgirdi
Qarap edi artyna
Qıyǵyn sap kóziniń
Kele jatqan tompańdap
Kójegi eken óziniń
- Qoıan qalaı maqtandy?
- Qoıan qaıda ómir súredi?
- Qazir bizde qaı mezgil?
- Tabıǵatta qandaı ózgerister bolady?
Balalar: Qys mezgili. Qar jaýady, kún sýytady.
Tárbıeshi: Qysta qarda neshe túrli izder jatady.

Oıyn: «Qaı ańdardyń izi?»
Sharty: izder arqyly sekire otyryp, qaı ańnyń izi ekenin jáne jasyrynǵan ańdy tabady.
Oıyn: «Aıyrmashylyǵyn tap»
Sharty: Úı jáne jabaıy qoıannyń aıyrmashylyqtaryn tabady.
Tárbıeshi: Káne, endi «Maqtanshaq qoıan» ertegisin rólderge bólip oınaıyq. Mine, balalar qoıan maqtanshaq emes, ol myqty ekenin kórsete bildi.
Tárbıeshi: Qoıan myqtylyǵyn qalaı kórsetti?
Balalar: Itterdi aldap, qarǵany qutqardy.
Tárbıeshi: Osymen oqý is - áreketimiz aıaqtaldy.