InfoHub Logo

Qazaqstanda muqtaj jandarǵa jasyryn kómektesip júrgen «maskadaǵy jigit» týraly áńgime kópten beri aıtylyp júrgen edi. Osy taqyrypqa qatysty «Óner Qyrandary» teatrynyń jetekshisi Madıar Serikbaıdyń jańa vıdeosy jelide qyzý talqyǵa tústi.

Bul týraly Infohub.kz aqparat agenttigi habarlaıdy.

Akter óziniń áleýmettik jeli paraqshasynda «maskadaǵy jigitpen» kezdeskenin málimdep, jurttan súıinshi surady. Vıdeoda ol: «Al, halaıyq, súıinshi! Elimizdegi muqtaj jandarǵa kómektesip júrgen janashyr azamatpen kezdesý sáti týdy», — dep qýanyshyn bólisti. Sondaı-aq, aldaǵy ýaqytta atalǵan azamatpen birlesip jumys isteıtinderin de aıtyp qaldy.

Prankke aınalǵan kezdesý

Vıdeonyń qyzyqty tusy – «maskadaǵy jigit» betperdesin sheshýge yńǵaılanǵanda, kópshilik onyń kim ekenin bilýge asyqty. Alaıda, maska alynǵan sátte barlyǵyn kútpegen jaǵdaı kútip turdy. Kadrdan Madıar Serikbaıdyń áriptesi, akter Janbolat Naızabekovtiń júzi kórindi. Bul kórinis kópshiliktiń kúlkisin keltirip, jelidegi shýdy ázil-ospaqqa aınaldyrdy.

Kórermenderdiń pikiri

Jarıalanǵan vıdeoǵa pikir qaldyrǵan jeli qoldanýshylary bul jaǵdaıdy ázilkeshterdiń kezekti pranki dep baǵalady. «Aqyry kim ekenin biletin boldyq pa dep kútip edim», «Maskaly adam qalaısha betperdesin sheshti desem…», «Prank eken ǵoı» dep jazdy olar.