InfoHub Logo

Aqtóbe oblysy, Baıǵanın aýdany,
Bulaqtykól orta mektebiniń matematıka páni muǵalimi
Qurmanalına Aqsyrǵa Boranbaıqyzy

Taqyryby: Matematıka – aqyl – oıdyń áýeni.
Maqsaty: Oqýshylardyń matematıka páni boıynsha alǵan bilim-tanymyn keńeıtý, sondaı-aq oqýshylardyń pánge qyzyǵýshylyǵyn arttyra otyryp, olardyń boıyndaǵy qabiletti ashyp, talaptaryn ushtaý, óz oıyn erkin jetkize bilý daǵdysyn qalyptastyrý; uıymshyldyqqa, tapqyrlyqqa, jaýapkershilikke tárbıeleý.
Sabaqtyń túri: toptyq saıys
Kórnekiligi: ınter belsendi taqta, slaıdtar, qajetti qural - jabdyqtar

Barysy:
Qaıyrly kún, qurmetti ustazdar, oqýshylar! Barshańyzda «IFM – álemine saıahat» atty aptalyqtyń tórtinshi kúninde ótkizgeli otyrǵan «Matematıka – aqyl oıdyń áýeni» atty synyptan tys sharaǵa qosh keldińizder! Búgingi matematıkalyq saıysymyzǵa 7 - 8 - 9 klastardan kelgen bilimdi jáne ushqyr oıly oqýshylardan quralǵan toptar kelip otyr. Ár top 3 oqýshydan turady. Endeshe, saıysqaly turǵan toptarymyzben tanys bolaıyq. «Arıfmetıka», «Logıka», «Matematıka»
Sabaqtyń josparymen tanystyryp óteıin:
İ kezeń «Ómirderek» (Toptyń atyn, uranyn tanystyrý)
İİ kezeń: «Úı tapsyrmasy»
Sanaly tárbıe
Bilgenge marjan
İİİ kezeń: Sapaly bilim (Esepter shyǵarý)
IV kezeń: Qımyldy oıyn
Ár qolda – óziniń isi
Kim jyldam?
Praktıkalyq tapsyrma
V kezeń «Sen bilesiń be?» (Logıkalyq tapsyrmalar)
VI kezeń Kim tapqyr?
Geometrıalyq fıgýralardan sóz quraý
Oıymdy jalǵastyr (Oqýshylardyń aqyndyq talabyn baıqaý)
VII kezeń Kapıtandar saıysy
VIII kezeń Qorytyndy.

Shyn júırik shabysynan tanyldy,
Naqty bilim, tereń oı synalady.
Baǵa berer ádilqazy ortamyzda
Sizderge qurmetpen qol soǵylady – dep búgingi saıyskerlerge ádil baǵa beretin ádilqazy qazylardy qoshemetpen ornyndaryna shaqyraıyq.
1. ----------
2. -------
3. -----------
Elimizdiń úlken tiregi bolatyn jas urpaqtyń tereń bilimdi, jan - jaqty damyǵan, zerek bolýy – zaman talaby. Mektebimizde bolashaǵyna úmit artatyn oqýshylarymyz az emes. Osyndaı oqýshylarymyzdyń qatarynda júrgen búgingi saıyskerlerimiz daıyn bolsa, saıysymyzdy bastaıyq.
Kezek kelip, ójettenip, sóz appyn.
Tanysaıyq ǵajap oıyn, ǵajap kún,
Tilegimiz bir batyraq ta emes, baıda emes.
Emespiz be azamaty qazaqtyń – demekshi toptarmen tanysý rásimi «Ómir derek» dep atalady.

İ kezeń: «Ómirderek» (Toptyń atyn, uranyn tanystyrý)

İİ kezeń: «Úı tapsyrmasy» dep atalady. Bul kezeń 2 bólimnen turady.
Men zerttedim qazaqtyń maqaldaryn,
Ár maqalda baıqadym sandar baryn.
Ne degen dana bolǵan ata - babam,
Esepke júırigine qaıran qaldym.
Maqaldy qoldanamyz, mán bermeımiz,
Saırap turǵan sandardy biz kórmeımiz.
Kompúterdiń zamany kelgen kezde,
Urpaqtar sol sandardy bilse deımiz. Bul bólimde quramynda sany bar maqaldardy kezektesip múdirmeı aıtýy kerek. Bir oqýshy 2 - 3 maqal aıtýyna bolady, biraq bir maqal eki qaıtalanbaýy kerek. Bir maqal 1 upaı bolyp esepteledi. Saıyskerler sóz kezegi ózderińizde.
«Úı tapsyrmasynyń» kelesi bólimi «Bilgenge marjan» dep atalady. Bul bólimde matematıkanyń qudirettiligin, mańyzyn mysal arqyly túsindiredi.(joǵary upaı 10 upaı túsindirý sheberlikterine qaraı)
Biz táýelsiz el dep kindik qalamyz Astananyń asqarly bolýyn, ordamyzǵa qut - bereke qonýyn jáne shákirtterimizdiń jan - jaqty bilimdi bolýyn qalaımyz.
Qate jazsań bireýin, kidiresiń
Jol taba almaı ári qaraı múdiresiń
Esep shyǵarý kezeńi kelgen kezde
Alǵan barlyq bilimdi bildiresiń - demekshi kelesi kezeń «Sapaly bilim» dep atalady. Bul kezeńde úsh topqa kespe qaǵazyna jazylǵan esepter beriledi. Durys esepke 5 upaı Al endeshe iske sát saıyskerler! «Eskisiz jańa bolmaıdy, esepsiz dana bolmaıdy» demekshi óz bilimderińizdi tarazylaı bilińizder.