InfoHub Logo

Synyby: 5 - 7 synypqa
Sabaqtyń taqyryby: Matematıkalyq rallı
Sabaqtyń maqsaty:
Bilimdilik: oqýshylardyń oılaý qabiletin, oı ushqyrlyǵyn, oqýǵa yntasyn artyrý.
Damytýshylyq: oqýshylardyń uıymdastyrýshylyq qabiletin damytý.
Tárbıelik: oqýshylardy uıymshyldyqqa, naqty pánge qyzyǵýshylyqqa, jaýapkershilikke, ózin - ózi tárbıeleýge tárbıeleý.
Kórnekiligi: Interaktıvti taqta, naqyl sózder, sózjumbaqtar, tangramm
Sabaqtyń túri: Dástúrli sabaq
Sabaqtyń tıpi: Toptyq saıys sabaǵy
Sabaqtyń ádisi: Oıyn túrinde
Sabaqtyń jospary: 1. Toptyń ózin - ózi tanystyrýy, amandasý rásimi
2. Tapqyrlyq saıysy (logıkalyq esepter)
3. Jumbaqtar saıysy
4. Matematıkalyq suraqtar
5. Oıymdy jalǵastyr (maqal - mátelder)
6. Sózjumbaq saıysy
7. «Qyzyqty tangramm» oıyny
Qoldanylǵan naqyl sózder:
1. Arıfmetıka matematıkanyń, al matematıka ǵylymdardyń patshasy.
(K. Gaýss)
2. Aqyl - oıdy tártipke keltiretin matematıka.
(M. V. Lomonosov)
3. Matematıka - barlyq ǵylymdardyń tuńǵyshy jáne olarǵa paıdaly da, qajet te (R. Bekon)
Júrgizýshi: Qaıyrly kún qadirmendi kórermender! «Matematıkalyq rallı» oıynyna qosh keldińizder!
Búgingi oıyn toptyq saıys túrinde ótedi. Ortaǵa «Úshburysh», «Kvadrat», «Trapesıa» toptaryn shaqyramyz.
Matematıka syrlary,
Qyzyqtyrdy bizderdi.
Oıynǵa birge qatysýǵa,
Shaqyramyz sizderdi,- deı otyryp saıyskerlerimizdiń bilimi men tapqyrlyqtaryna baǵa beretin ádil qazylar alqasymen tanys bolyńyzdar.

1. Kezekte amandasý rásimi İ top «Úshburysh» toby
Urany: Bilekti birdi jyǵar.
Bilimdi myńdy jyǵar.
Sálemdesýi: Biz daıynbyz bul saıysqa dostarym,
Kórsetemiz bizde qandaı kúsh baryn
Alǵa qoıǵan maqsatymyz bir eken.
Sátti bolsyn saparymyz árdaıym.
Tanystyrýy: Úshburysh dep jazyqtyqta bir túzýdiń boıynda jatpaıtyn úsh núkteni tizbekteı qosqannan shyqqan fıgýrany aıtamyz.
Úshburysh qabyrǵalaryna qaraı úsh túrli:
1. teń qabarǵaly úshburysh
2. teń búıirli úshburysh
3. ár qabyrǵaly úshburysh
Úshburysh buryshtaryna qaraı úsh túrli:
1. tik buryshty úshburysh
2. súıir buryshty úshburysh
3. doǵal buryshty úshburysh
Úshburyshtyń ishki buryshtarynyń qosyndysy 180º - qa teń.