InfoHub Logo

Qazaq tili 2 - klass

Sabaqtyń taqyryby: Mátinniń túrleri
Sabaqtyń maqsaty: a) Mátinniń túrlerimen tanystyrý, sol arqyly oqýshylardyń baılanystyryp sóıleý daǵdylaryn qalyptastyrý. Mátin túrlerin bir - birinen ajyratyp, ony taba, qura bilýge mashyqtandyrý.
á) Tazalyq, uqyptylyq, bilimge degen qumarlyq, bir - birine degen dostyq, qamqorlyq qasıetterine, tabıǵatty aıalaýǵa baýlý.
b) Sózdik qoryn molaıtyp, aýyzeki, jazba tilin, logıkalyq oılaý, shyǵarmashylyq qabiletteriniń damýyna yqpal etý.
Sabaqtyń túri: Jańa bilimdi meńgertý
Oqytý ádisi: sózdik, kórneki, taldaý, salystyrý, ajyratý, toptaý, problemalyq izdenis ádisi, óz betinshe jumys, jazba jumysy, oıyn ádisi
Kórnekilik: sóılemder jazylǵan qıma qaǵazdar, kúnbaǵys músheleriniń keskin sýretteri, M. Jumabaev portreti, kompúterden slaıd,
Pánaralyq baılanys: dúnıetaný, ádebıettik oqý

Sabaqtyń barysy
İ. Alǵashqy uıymdastyrý
Oqýshylardy, oqý quraldaryn túgendep, tekserý.
Psıhologıalyq daıyndyq:
Mynaý meniń júregim,
Bári osydan bastalǵan.
Mynaý basym aqyldy,
Bárin osy basqarǵan.
Mynaý meniń oń qolym
Mynaý meniń sol qolym
Barlyq isti atqarǵan.
- Balalar, endeshe atqarǵan isterindi úı tapsyrmasyn qalaı oryndaǵandarynan kóreıik.
İİ. Úı tapsyrmasyn tekserý: Dıdaktıkalyq kartochkadaǵy oryndaǵan tapsyrmasyn oqýshylar kezekpen shyǵyp aýyzsha aıtyp beredi. Baǵalaý, madaqtaý.

İİİ. Jańa sabaq
1/ Ótken sabaqty eske túsirip, búgingi taqyryppen baılanystyrý maqsatynda «Qurastyr» dıdaktıkalyq oıynyn ótkizý.
- Aldymen jumbaq sheship alaıyq. Slaıdtan kórinip turady.
Jumbaq sheshý: Qalpaǵy bar dóńgelek,
Sary gúlmen qorshalǵan.
Qaraı qaraı kúnge erek,
Moıny talyp sharshaǵan.
- Kúnbaǵys.
- Balalar, kúnbaǵys týraly ne bilemiz? Dúnıetanýdan alǵan bilimderine súıenip kórelik.
- Kúnbaǵys shóptekti ósimdik, onyń ádemi sary gúlderi, ortasynda qara dánderi, jap jasyl sabaǵy men japyraǵy bolady. Onyń dánderi óte paıdaly. Odan túrli taǵamdar men maı alynady. Ol únemi kúndi baǵyp turatyn gúl. Sondyqtan da ony kúnbaǵys dep ataǵan.
- Endeshe osy ádemi gúldi qurastyrý úshin kúnbaǵystyń myna músheleriniń artyndaǵy suraqtarǵa jaýap bereıik. (Balalar kúnbaǵys múshelerin tańdap, taqtaǵa shyǵyp jaýap berip, kúnbaǵys gúlin qurastyrady. slaıdta suraqtar kórinip turady)
1. Mátin degenimiz ne?
2. Qandaı sóılemder mátin quraıdy?
3. Mátinniń qandaı bólikteri bolady?
4. Mátinniń bólikteri qalaı jazylady?
- Qandaı ádemi kúnbaǵys gúlin qurastyrdyq, bul gúl aldaǵy jattyǵýdy oryndaý barysynda qajet bolady.
2/ - Mátin týraly esimizge túsirdik, endi myna qıma qaǵazdaǵy mátin bólikterin durystap retimen ornalastyryp, mátin quraý qajet, - dep aldymen kompúterde berilgen bólikterdi bir oqýshy retimen ornalastyryp, qalǵan oqýshy qoldaryndaǵy qıma qaǵazdy taqtaǵa retimen qoıyp mátin quraıdy. Salystyra, oqıdy. Qate bolsa ózderine túzetýge múmkindik berý.

Men 2 - synypta oqımyn. Bizge Aıman apaı sabaq beredi.
Bizdiń oqıtyn synybymyz ─ keń, jaryq. Tóbesi bıik, qabyrǵalary appaq.
Biz synypty taza ustaımyz. Óıtkeni, ol bizdiń ekinshi úıimiz. Muny balalardyń bári jaqsy túsinedi.

Osylaısha tirek - syzba arqyly mátin túrlerimen tanystyrý. Slaıdty paıdalanyp syzba arqyly anyqtamany ózderi aıtady. Este saqtap, jattap alý.
Osy 199 - jattyǵýdan paıymdaý mátinin kóshirip alady. Óz betinshe oryndalady.
3/ Kórkem jazý

4/ Sergitý sáti «Bı bıleımiz» qımyldy án
Iilemiz ońǵa bir, ıelemiz solǵa bir.
Bir anda, bir munda, ózińdi óziń aınala.
Bas aıaqty top, top, top,
Shapalaqta hop, hop, hop.
Bir anda, bir munda, ózińdi ózin aınala.
Basymyzdy ıemiz, bı bıleımiz kúlemiz,
Bir anda, bir munda, ózińdi óziń aınala.

5/ - Endeshe balalar, osy bı bılep, aınalyp, sekirip, ýaıymsyz oınap, shattanyp júretin adamnyń qaı shaǵy dep oılaısyńdar? ─ dep 200─ jattyǵýdy oryndaýǵa daıyndaý.
Óleńdi oqyp, avtor M. Jumabaevtyń portretin ilip, ol týraly biletinderin eske túsirý. Negizgi oıdy tabý. Osy avtordyń 40 - bettegi óleńin eske túsirý.
Arystandaı aıbatty,
Jolbarystaı qaıraty,
Qyrandaı kúshti qanatty
Men jastarǵa senemin.
200─ jattyǵýdyń sońǵy eki jolyn jatqa jazý.

6/ - Balalar, mana sabaqtyń basynda qurastyrǵan kúnbaǵys ósimdigine oralaıyq. 201 - jattyǵýdaǵy tirek sózderdi paıdalanyp áńgime qurastyraıyq. Ózindik jumys.
Bir oqýshy taqtada áńgime qurap jazady.

IV. Qorytyndy: Sabaqty suraq - jaýap arqyly pysyqtap, bekitý
- Balalar, búgin sabaqta nemen tanystyq?
- Mátinniń qandaı túrleri bolady?
- Mátinniń bólikteri qalaı jazylady?
- 201 - jattyǵýdaǵy «Kúnbaǵys» mátini qaı túrge jatady?

─ Balalar, sender de kún men kúnbaǵys sıaqty bir birimen dos bolyp, kúndeı kúlimdep, myna kúnbaǵystaı jaınap, jadyrap júrińder! ─ dep sabaqqa belsendi qatysqan oqýshylardy madaqtap, barlyǵyn baǵalaý, estelikke kúnbaǵys beınesin syılaý.
V. Úıge tapsyrma: 1 /Erejeni este saqtap, jattaý.
2/ 202 - jattyǵý