InfoHub Logo

Aqtóbede Nazarbaev zıatkerlik mektebiniń oqýshysy sıqyrshy Garrı Potter týraly tanymal kitaptyń birneshe bólimin qazaq tiline aýdardy.

10 «E» synybynyń oqýshysy Asylaı Seıtenova aǵylshyn tilinen jobany oryndap, sıqyrshy týraly búkil álemge tanymal kitaptyń alǵashqy tórt bólimin aýdardy. Ol úshin úsh aı ýaqyt ketti. Asylaı jumysqa bıylǵy jyldyń qańtar aıynda aǵylshyn tiliniń muǵalimimen birge kiristi.

Oqytýshynyń aıtýynsha, bul - oqýshy qyzdyń birinshi jobasy.

«Biz kitaptyń túpnusqasyn qazaq tiline aýdardyq. Jumys kúrdeli boldy. Onyń barysynda aǵylshyn sóıleý tilin meńgerip, oryssha aýdarmamen salystyrdyq, odan keıin qazaq tilinde mátin qurdyq. Basty maqsat - qazaq tilin meńgergisi keletin sheteldik áriptester men oqýshylar arasynda qazaq tilin áıgilendirý. Biz álemdik bestsellerdiń memlekettik tildi oqý prosesinde erekshe qyzyqty bolatynyn sheshtik», - dep atap ótti Aqbota Ábisheva.

Muǵalim sondaı-aq Asylaı ekeýiniń jumysty qýana jalǵastyryp, ýaqyt bolsa, kitaptyń birinshi tomyn tolyq aýdaryp shyǵatyndaryn qosyp ótti.

Kólemi shaǵyn bolǵanyna qaramastan, joba oblystyq kishi ǵylym akademıasynda jáne sheteldik áriptester úshin kitap formatynda tanystyryldy. Alaıda avtorlar munymen shektelgen joq. Osy aptada aýdarma jańa úlgide shyǵarylady, ondaǵy mátin suraqtar, glosarı jáne kóp boıaýly sýrettermen tolyqtyrylady. Jańa nusqadaǵy sýretterdiń avtory -  Nazarbaev zıatkerlik mektebiniń oqýshysy Oljas Esenbaev.

Aıta keteıik, «Garrı Potter jáne Fılosofıalyq tas» kitabynyń alǵashqy tórt taraýyn ǵalamtordan oqýǵa bolady.

---